უკან

სამართალი

4 მაისი, 2018 16:40
font-size

დაკავებულ „ქართული მარშის“ წევრებს რამდენიმე დეპუტატი თავდებში უდგება - ადვოკატი

19 მარტს ტელეკომპანია „რუსთავი 2“-ის შენობასთან მომხდარი ინციდენტის გამო დაკავებული „ქართული მარშის“ წევრს ლადო სადღობელაშვილს დეპუტატები: გია ჟორჟოლიანი, დავით ჭიჭინაძე, ემზარ კვიციანი და ასევე თიანეთის მერი თამაზ მეჭიაური თავდებში უდგებიან. ამის შესახებ ადვოკატმა შალვა ხაჭაპურიძემ განაცხადა.

კიდევ ერთ დაკავებულს, ოლეგ დანგაძეს თავდებში უდგებიან ადა მარშანია და ემზარ კვიციანი.

„პირველი არხის“ ინფორმაციით, „ქართული მარშის“ კიდევ რამდენიმე დაკავებულ წევრს თავდებში უდგებიან „პატრიოტთა ალიანსის“ დეპუტატები.

თბილისის საქალაქო სასამართლოში „ქართული მარშის“ წევრებისთვის აღკვეთის ღონისძიებად შეფარდებული პატიმრობის გადასინჯვის საკითხზე მსჯელობენ. დაკავებულთა გათავისუფლების მოთხოვნით „ქართული მარშის“ წევრები საქართველოს პარლამენტის შენობასთან შიმშილობენ.

„ქართული მარშის“ შვიდ დაკავებულ წევრს სასამართლომ აღკვეთის ღონისძიების სახით პატიმრობა 23 მარტს შეუფარდა.

პატიმრობა შეეფარდათ სისხლის სამართლის საქმეზე დაკავებულ გიორგი ონიანს, ლუკა ნაცვლიშვილს, მიხეილ ამისულაშვილს, ლადო სადღობელაშვილს, ირაკლი დოლენჯაშვილსა და ბექა რევაზიშვილს. მათ ბრალად ედებათ ხულიგნობა, ე.ი. ქმედება, რომელიც უხეშად არღვევს საზოგადოებრივ წესრიგს და გამოხატავს საზოგადოებისადმი აშკარა უპატივცემულობას, ჩადენილი ძალადობით და ძალადობის მუქარით, წინასწარი შეთანხმებით ჯგუფის მიერ.

გარდა ამისა, გიორგი ონიანს ასევე ბრალად ედება ძალადობა (ცემა), რამაც დაზარალებულის ფიზიკური ტკივილი გამოიწვია, მაგრამ არ მოჰყოლია სსსკ-ის 120-ე (ჯანმრთელობის განზრახ მსუბუქი დაზიანება) მუხლით გათვალისწინებული შედეგი.

ასევე ლუკა ნაცვლიშვილს გამოძიება სხვისი ნივთის განზრახ დაზიანებას ედავება, რამაც მნიშვნელოვანი ზიანი გამოიწვია.

ამავე საქმეზე აღკვეთის ღონისძიებად პატიმრობა აქვს შეფარდებული ოლეგ დანგაძეს, ხოლო დევი ჩილიაშვილი, ფსიქოლოგიური პრობლემის გამო, პირადი თავდებობით განთავისუფლდა.

„რუსთავი 2“-ის შენობასთან „ქართული მარშის“ წევრებმა აქცია 19 მარტს გამართეს. აქციის დროს „ქართული მარშის“ წევრებმა ალყა შემოარტყეს მანქანას, რომელშიც იმყოფებოდნენ ჟურნალისტი გიორგი გაბუნია და არხის იურისტი თამთა მურადაშვილი. რუსთავი 2-ის ინფორმაციით, შეკრებილებმა მანქანა დააზიანეს, ასევე თავს დაესხნენ ჟურნალისტ დავით ერაძეს. შეკრებილთა თქმით, გიორგი გაბუნიამ ქრტისტიანებისტვის შეურაცხმყოფელი განცხადების გამო ბოდიში უნდა მოიხადოს.

საქმე ეხება ჟურნალისტის შესავალ მონოლოგს, რომელშიც გაბუნიამ იესო ქრისტე აჭარაში ხეების მოჭრისა და გადატანის ფაქტს დაუკავშირა: „მე ვფიქრობ, რომ იესო ქრისტემ საშინელი შეცდომა დაუშა, როდესაც 2000 წლის წინ ისრაელში მოვიდა. უნდა მოსულიყო აჭარაში და ჯვარზე ვეღარ გააკრავდნენ იმიტომ, რომ ხე აღარ იქნებოდა დარჩენილი, რადგან ბიძინამ ყველა ხე თავის ეზოში გადარგო“.

მომხდარიდან 2 დღის შემდეგ „ქართული მარშის“ წევრები სისხლის სამართლის წესით დააკავეს.

გიორგი შაქარაშვილის ბიძის განცხადებით, ოჯახის პოზიციაა, „ტოიოტა ქამრის“ მგზავრები, 6-ვე მათგანი ბრალდებული იყოს 109-ე მუხლით

10 ივლისი, 2020 , 17:40

ფეხბურთელ გიორგი შაქარაშვილის ბიძის მირიან ნიკოლაძის განცხადებით, ოჯახის პოზიციაა, „ტოიოტა ქამრის“ მგზავრები, რომლებიც გიორგი შაქარაშვილს გამოედევნენ და დადგა ეს შედეგი, ბრალდებულები იყვნენ სისხლის სამართლის

მირიან ნიკოლაძე - გიორგი შაქარაშვილს მიაყენეს ფიზიკური დაზიანებები და შემდგომ გადააგდეს წყალში

10 ივლისი, 2020 , 17:36

გიორგი შაქარაშვილის ბიძის, მირიან ნიკოლაძის განცხადებით, გიორგი შაქარაშვილის მიმართ ადგილი ჰქონდა ძალადობას, რის შემდეგაც იგი გადააგდეს მდინარეში. როგორც მირიან ნიკოლაძემ პრესკონფერენციაზე განაცხადა, ამ ეტაპზე თავს იკავე

ნიკა გვარამია საგამოძიებო ორგანოში დაიბარეს

10 ივლისი, 2020 , 16:15

ტელეკომპანია "მთავარი არხის" დირექტორი ნიკა გვარამია საგამოძიებო უწყებაში გამოკითხვაზე დაიბარეს. ამის შესახებ გვარამია Facebookის საკუთარ გვერდზე წერს. „კრიმინალურმა პოლიციამ გამოკითხვაზე დამიბარა“, - წერს ნი

ასფიქსია წყალში დახრჩობით - გიორგი შაქარაშვილის გარდაცვალების მიზეზი გასაჯაროვდა

10 ივლისი, 2020 , 13:40

გიორგი შაქარაშვილის სიკვდილის მიზეზია ასფიქსია წყალში დახრჩობით, -აღნიშნულის შესახებ ინფორმაციას საქართველოს გენერალური პროკურატურა ავრცელებს.  ,,მაღალი საჯარო ინტერესის გათვალისწინებით, გვსურს საზოგადოებას მივაწოდო

გლდანში უმისამართოდ სროლასთან დაკავშირებით ერთი პირი დააკავეს

10 ივლისი, 2020 , 11:10

გლდანში მომხდარ ინციდენტთან დაკავშირებით პოლიციამ ერთი პირი დააკავა, – ამის შესახებ საქართველოს შინაგან საქმეთა სამინისტროს ინფორმაციაშია ნათქვამი. „2020 წლის 9 ივლისს შინაგან საქმეთა სამინისტროს საზოგადოებრი

საგამოძიებო სამსახურმა ხორცის ნახევარფაბრიკატების ფალსიფიკაციის ფაქტზე კომპანიის ხელმძღვანელი პასუხისგებაში მისცა

10 ივლისი, 2020 , 11:10

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, ხორცის ნახევარფაბრიკატების ფალსიფიკაციის ფაქტზე, კომპანიის ხელმძ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე