საზოგადოება

„დახურონ, ვნახოთ მაგას რა მოჰყვება“- მაჩალიკაშვილის საქმეზე გამოძიება შესაძლოა, შეწყდეს

თემირლან მაჩალიკაშვილის საქმეზე გამოძიება სავარაუდოდ, შეწყდება. ინფორმაციას ამის შესახებ სააგენტო "ინტერპრესნიუსი" ავრცელებს. სააგენტოს მიერ გავრცელებულ ინფორმაციაში აღნიშნულია, რომ გამოძიებამ ბრალეული პირები ვერ დაადგინა.

"ფორმულამ" ინფორმაცია პროკურატურაში გადაამოწმა, სადაც გამოძიების შესაძლო შეწყვეტის შესახებ ინფორმაციას არც უარყოფენ და არც ადასტურებენ. უწყება მხოლოდ მოკლე განმარტებით შემოიფარგლა, სადაც აღნიშნულია, რომ მაჩალიკაშვილის საქმეზე მიმდინარეობს ინტენსიური საგამოძიებო მოქმედებები.

"ბრალეულობა თუ არ გამოიკვეთა, რა გამოდის? ესე იგი სპეცრაზმის მიერ ვერ გამოიკვეთა ბრალეულობა, ამას იძახიან? ე.ი. არც მოუკლიათ ამათ, დანაშაული არ ჩაუდენიათ, ასე გამოდის. დახურონ, ვნახოთ მაგას რა მოჰყვება",-აცხადებს "ფორმულასთან" საუბრისას მალხაზ მაჩალიკაშვილი.

მალხაზ მაჩალიკაშვილს მიაჩნია, რომ საქმის გამოძიების ერთადერთი ბერკეტი, საპარლამენტო საგამოძიებო კომისიის შექმნაა.