კომენტარი

დამაზიანებელია იმის თქმა, რომ რურუა ოპოზიციის შეცდომის გამოა ციხეში –სალომე სამადაშვილი

განცხადება, რომ გიორგი რურუა ციხეში ოპოზიციის მიერ დაშვებული შეცდომის გამო რჩება, უსამართლოს გარდა, დამაზიანებელია – ასე ეხმაურება სოციალურ ქსელში, "ნაციონალური მოძრაობის" ლიდერი, სალომე სამადაშვილი ალეკო ელისაშვილის განცხადებას, რომელმაც აღნიშნა, რომ "გიორგი რურუა დიდწილად ოპოზიციის გამო რჩება ციხეში".

"არასდროს გამიკრიტიკებია ალეკო ელისაშვილი, რადგან ვთვლი, რომ საბოლოოდ, მისი პარტიის ლიდერების და ამომრჩევლების გადაწყვეტილებაა, როგორ გამოიყენებენ საკუთარ მანდატებს, სურთ ოპოზიციურ ერთიანობაში ყოფნა თუ არა, შევლენ პარლამენტში თუ არა. თუმცა, განცხადება, რომ გიორგი რურუა ციხეში ოპოზიციის მიერ დაშვებული შეცდომის გამო რჩება, უსამართლოს გარდა, დამაზიანებელია. იმედი მაქვს, რომ პოლიტიკური პატიმრების გათავისუფლების საკითხზე საკუთარ, დღემდე დაფიქსირებულ პოზიციას არ გადახედავს", - წერს სამადაშვილი.