უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
დამოუკიდებელი კანდიდატი, მიუხედავად იმისა, რომ აღარაა საფრანგეთის მოქალაქე, ის ქალბატონია და ცოტა შეწუხებული ვარ, თუ რა ფორმით მიმართავს მას ზოგიერთი ადამიანი - საფრანგეთის ელჩი საქართველოში
„დამოუკიდებელი კანდიდატი, მიუხედავად იმისა, რომ აღარაა საფრანგეთის მოქალაქე, ქალბატონია და შეწუხებული ვარ, თუ რა ფორმით მიმართავს მას ზოგიერთი ადამიანი“, – ამის შესახებ საქართველოში საფრანგეთის ელჩმა პასკალ მენიემ საქართველოში დაგეგმილ არჩევნებზე და ასევე, მედიით გავრცელებულ ფარულ ჩანაწერებზე საუბრისას განაცხადა.
საფრანგეთის ელჩმა ყურადღება გაამახვილა იმაზე, რომ მისი კომენტარი მედიის ზოგიერთმა წარმომადგენელმა დაამახინჯა.
„მე ინტერვიუ ჩამომართვეს მედიის წარმომადგენლებმა და ზოგიერთმა მათგანმა დაამახინჯა ჩემი სიტყვები, ან არასწორად გაიგო ჩემი ნათქვამი. საფრანგეთისა და ევროკავშირის წევრი ქვეყნების პოზიცია არის ის, რომ ჩვენ, როგორც ელჩები, თვალყურს ვადევნებთ საქართველოში მიმდინარე მოვლენებს და ეს ჩვენი მოვალეობაა.
„ომეგას“ საქმე ძალიან ბევრ ხმაურს იწვევს და რასაც ჩვენ ველოდებით, არის ის, რომ კვალიფიკაცია მიეცემა ამ საქმეს, იმისათვის, რომ ყველა დელეგაციამ, რომელიც აქ იმყოფება, განსაზღვროს თავისი პოზიცია მოცემულ სიტუაციაში.
მეორეს მხრივ ჩემი, როგორც ფრანგის პირადი შეხედულებაა, რომ დამოუკიდებელი კანდიდატი, მიუხედავად იმისა, რომ აღარაა საფრანგეთის მოქალაქე, ის ქალბატონია და მე ცოტა შეფიქრიანებული ვარ და ცოტა შეწუხებულიც იმის გამო, თუ რა ფორმით მიმართავს მას ზოგიერთი ადამიანი.
ვფიქრობ, რომ ყველა დემოკრატიულ ქვეყანაში, მაშინაც კი, როცა საარჩევნო ბრძოლა პიკშია, საჭიროა ერთმანეთის მიმართ პატივისცემის შენარჩუნება, დემოკრატია სწორედ ასე მუშაობს და მე იმედი მაქვს, რომ საპრეზიდენტო კამპანია სწორედ ამ სულისკვეთებით წარიმართება და რომ პოლიტიკოსები იდებატებენ იმის შესახებ, თუ რა უნდათ მათ საქართველოსთვის, ხალხისთვის, საქართველოს მომავლისთვის და თავს შეიკავებენ პირადული თავდასხმებისგან“, – განაცხადა პასკალ მენიემ.