უახლესი ამბები
არქივი
ძებნა
ანონსები
საზოგადოება
დარიალის ხეობაში დაღუპული გოგონას ცხედარი საქართველოში გადმოასვენეს 25.06.2012 18:37

დარიალის ხეობაში გუშინ მომხდარი უბედური შემთხვევის დროს დაღუპული 28 წლის ქალი საქართველოში უკვე გადმოასვენეს.

მაია ქუცნიაშვილის ცხედარი რუსულმა მხარემ საზღვართან ქართულ მხარეს გადასცა. საქართველო-რუსეთის საზღვართან, ლარსში იმყოფებოდნენ გარდაცვლილის ოჯახის წევრებიც.

დარიალის ხეობაში უბედური შემთხვევა გუშინ მოხდა. 28 წლის მაია ქუცნიაშვილი ყაზბეგში მეგობრებთან ერთად ექსკურსიაზე იმყოფებოდა, როდესაც ფოტოების გადაღების დროს ფეხი დაუსხლტა და მდინარეში ჩავარდა. ჩქარი დინების გამო, მეგობრებმა მისი გადარჩენა ვერ შეძლეს. გარდაცვლილის ცხედარი რუსეთის ტერიტორიაზე იპოვეს და ვლადიკავკაზის პროზექტურაში ექსპერტიზა ჩაუტარდა. მას ექსპერტიზა თბილისშიც ჩაუტარდება.