პოლიტიკა

დარწმუნებულები ვართ, რომ ტატუნაშვილის საქმეზე საერთაშორისო სასამართლო გამოიტანს სამართლიან გადაწყვეტილებას - გიორგი გახარია

დარწმუნებულები ვართ, რომ ტატუნაშვილის საქმეზე საერთაშორისო სასამართლო გამოიტანს სამართლიან გადაწყვეტილებას, რომელიც დააკმაყოფილებს ქვეყანასაც და ოჯახსაც, - განუცხადა ჟურნალისტებს შინაგან საქმეთა მინისტრმა გიორგი გახარიამ ტატუნაშვილის საქმეზე საერთაშორისო სასამართლოზე განხილვის დაწყებასთან დაკავშირებით.

„ტატუნაშვილის საქმესთან დაკავშირებით, იცით რომ, ჩვენ მივმართეთ საერთაშორისო სასამართლოს, გვაქვს ყველა საჭირო დოკუმენტური მტკიცებულება იმისთვის, რომ მიგვემართა ამ სასამართლოსთვის და ამიტომაც მივმართეთ. დარწმუნებულები ვართ, რომ საერთაშორისო სასამართლო გამოიტანს სამართლიან გადაწყვეტილებას, ისეთს, რომელიც დააკმაყოფილებს ქვეყანასაც და ოჯახსაც,“ - განაცხადა გიორგი გახარიამ.