ეკონომიკა
დარწმუნებული ვარ, ჩვენ ერთად, ახალი მთავრობით, დავძლევთ ყველა იმ გამოწვევას, რომელიც დღეს ეკონომიკის წინაშე დგას - გიორგი გახარია
ეკონომიკისა და მდგრადი განვითარების მინისტრი, გიორგი გახარია დარწმუნებულია, რომ მთავრობა დაძლევს ყველა იმ პრობლემას, რომელიც დღეს საქართველოს ეკონომიკის წინაშე დგას.
ამის შესახებ გახარიამ ეკონომიკის სამინისტროში მედიას განუცხადა, სადაც იგი თანამშრომლებს მისმა წინამორბედმა, დიმიტრი ქუმსიშვილმა წარუდგინა.
გახარიამ მადლობა გადაუხადა გიორგი კვირიკაშვილს და აღნიშნა, რომ მის გუნდში ყოფნა სიამაყის საბაბია.
„ასევე მინდა ავღნიშნო, რომ ეს არის უდიდესი პასუხისმგებლობა ვიყო იმ უწყების ხელმძღვანელი, რომლის ხელმძღვანელი იყო ბატონი გიორგი კვირიკაშვილი და შემდეგ ბატონი დიმიტრი ქუმსიშვილი განსაკუთრებით იმ პერიოდში, როდესაც ეკონომიკა არის ყველაზე დიდი გამოწვევა დღეს ჩვენი ქვეყნისთვის. დარწმუნებული ვარ, ჩვენ ერთად, ახალი გუნდით, ახალი მთავრობით, დავძლევთ ყველა იმ გამოწვევას, რომელიც დღეს ჩვენი ეკონომიკის წინაშე დგას“,-განაცხადა გახარიამ.
ამჟამად ფინანსთა მინისტრის დიმიტრი ქუმსიშვილი დარწმუნებულია, რომ გიორგი გახარიას ხელში, ეკონომიკის სამინისტრო, როგორც მნიშნელოვანი ინსტიტუტი კიდევ უფრო ეფექტური გახდება.
„მინდა წარმატებები ვუსურვო გიორგი გახარაიას ახალ პოსტსზე. ეკონომიკის სამინისტრო, დღეს, არის მნიშვნელოვანი ინსტიტუტი რომელიც არის კარგად გამართული, სწრაფი მოქმედების ინსტიტუტი. ეს არის ინსტიტუტი სადაც გადაწყვეტილებები მიიღება და აღსრულდება. მე ვარ დარწმუნებული, რომ გიორგი გახარიას ხელში ეს ინსტიტუტი კიდევ უფრო ეფექტური გახდება და ძალიან მნიშვნელოვან წვლილს შეიტანს ჩვენი ქვეყნის ეკონომიკის განვითარებაში“,-აღნიშნა ქუმსიშვილმა.
მონიკა დავლიანიძე