პოლიტიკა

დასაწყისში ხაზი გავუსვი რაც ხდება ოკუპირებულ ტერიტორიებზე, რომ ეს არის საქართველოს სუვერენიტეტის ხელყოფა - ზურაბ აბაშიძე

პრემიერ-მინისტრის სპეციალურმა წარმომადგენელმა, ზურაბ აბაშიძემ საქართველოს ტერიტორიების მიტაცების ფაქტები რუს კოლეგასთან შეხვედრაზე გააპროტესტა.

როგორც აბაშიძემ ჟურნალისტებს თბილისის საერთაშორისო აეროპორტში პრაღიდან დაბრუნების დროს განუცხადა, აბაშიძე-კარასინის მოლაპარაკებებისას საუბარი შეეხო ოკუპირებულ რეგიონში არსებულ მდგომარეობას და საოკუპაციო ზოლის მიმდებარე სოფლების პრობლემებს.

„მე დასაწყისში ხაზი გავუსვი ჩვენს დამოკიდებულებას იმასთან დაკავშირებით, რაც ხდება ოკუპირებულ ტერიტორიებზე, რომ ეს არის საქართველოს ტერიტორიული მთლიანობის, სუვერენიტეტის, საერთაშორისო სამართლის უხეში ხელყოფა. ყოვლად მიუღებელი ხდება ამ რეგიონების მილიტარიზაცია, ადამიანის უფლებების დარღვევა და ყოველივე ეს ძალიან სერიოზულ საფრთხეს უქმნის არა მხოლოდ საქართველოს უსაფრთხოებას, არამედ რეგიონის უსაფრთხოებას,“ - განაცხადა ზურაბ აბაშიძემ.

მონიკა დავლიანიძე