უკან

უახლესი ამბები

დღის კალენდარი

ანონსები

არქივი

საზოგადოება

23 მაისი, 2020 10:55
font-size

დავაწესოთ 23 მაისს მადლიერებისა და დაფასების დღე. ან გნებავთ, საქართველოს მოქალაქის დღე - გოჩა მირცხულავა

„დამოუკიდებლობის 30 წლის განმავლობაში, ვგონებ პირველად გვეძლევა შანსი, საქართველოს მოსახლეობის სამოქალაქო ერთიანობის, პასუხისმგებლობის, ურთიერთდაფასების, ურთიერთგაფრთხილების, თავდადების თვალნათელი დემონსტრირებაც აღვნიშნოთ,“ - ამის შესახებ ანალიტიკოსი გოჩა მირცხულავა სოციალურ ქსელში წერს.

„დავაწესოთ 23 მაისს მადლიერებისა და დაფასების დღე. ან გნებავთ, საქართველოს მოქალაქის დღე.

მადლიერების ნიშნად - საქართველოს მოქალაქეებისადმი, რომლებმაც ბედი არ გამოსცადეს, ერთმანეთს გაუფრთხილდნენ, უდიდესი მატერიალური თუ სხვა სახის დანაკარგების ფასად ქვეყანა, საკუთარი თავი, ახლობლები, თანამოქალაქეები განსაცდელის წინაშე არ დააყენეს;

მადლერებისა და დაფასების ნიშნად:

- ეპიდემიოლოგებისა და სამედიცინო პერსონალისადმი;

- პოლიციის, მესაზღვრეების, თავდაცვის ძალების, უსაფრთხოების სამსახურის, საბაჟო სამსახურის წარმომადგენლებისადმი;

- ქართული განათლების სისტემისადმი;

- პასუხისმგებლიანი და გულისხმიერი ბიზნესმენებისადმი;

- საქართველოს მთავრობისადმი;

- ქართული პოლიტიკური სპექტრისადმი ფლანგების მიუხედავად (შეხედეთ განვითარებულ სახელმწიფოებში რა ხდება);

- საჯარო მოხელეებისადმი;

- პროცესში ჩართული მოხალისეებისა და აქტივისტებისადმი;

- ქართული მედიის წარმომადგენლებისადმი;

- ჩვენი უცხოელი პარტნიორებისადმი, რომლებმაც დახმარების ხელი გამოგვიწოდეს;
- უცხოეთში მცხოვრები ჩვენი თანამოქალაქეებისადმი;

მადლიერებისა და თანადგომის ნიშნად ისედაც უმძიმეს ეკონომიკურ პირობებში მყოფი ჩვენი თანამოქალაქეებისადმი;

მადლიერებისა და თანაგრძნობის ნიშნად გარდაცვლილთა ოჯახებისადმი;

ცხადია, ჩვენი სამოქალაქო თვითშეგნება იმაზე მაღალი აღმოჩნდა, ვიდრე ჩვენვე წარმოგვედგინა;
ვიცი, უამრავი დღესასწაულია საქართველოში, მაგრამ არც ერთი არ არის დღე, რომელიც საქართველოს მოქალაქეს, მის პერსპექტივას აფასებს. არა და ყოველგვარი ირონიის გარეშე პროცესი, რომელიც პოზიტიურად დასრულდა, სხვა თუ არაფერი საქართველოს თითოეული მოქალაქის დამსახურებაა, მათ შორის ოპონენტების, რომელიც მიბილიზების უფრო მეტ ხარისხს ქმნიდა - ვისი მეტად, ვისი ნაკლებად, ამას ისტორიისთვის მნიშვნელობა არ აქვს.

ეს საქართველოს, მაშასადამე ყველას წარმატებაა და ამ წარმატებას ჩვენ შეგვიძლია ისტორიული, საზოგადოებრივ-პოლიტიკური დატვირთვა მივცეთ.

მინიმუმ მადლიერება გამოვხატოთ და დავაფასოთ ერთმანეთი. მესმის ძნელია ამის გააზრება მაგრამ ყველამ ყველა გადავარჩინეთ და ეს დღე ვაქციოთ მომავალი თაობებისთვისაც სამოქალაქო სოლიდარობის, ურთიერთდაფასების, თანადგომის წარმოჩენის დღედ.

ამ დღეს მინიმუმ მადლობა ვუთხრათ ერთმანეთს, რომ ვართ ისეთები, როგორებიც ვართ და ვცდილობთ ვიყოთ უკეთესები.

მე ჩემის მხრივ მადლობას გიხდით ყველას, თითოეულ თანამოქალაქეს - რანგის, პოლიტიკური თუ სოციალური სტატუსის, ასაკისა და სქესის მიუხედავად.

იმაზე საუბარი, რომ ვირუსი ბევრს არ კლავს, რომ გრიპის სიკვდილიანობას არ აღემატება - სრულიად უადგილოა. რატომ? სხვაგვარი ქცევის პირობებში ნებისმიერი ჩვენგანი, ან ოჯახის წევრი შეიძლება გამხდარიყო მსხვერპლი. და ეს რომ არ მოხდა, ამიტომ არის მადლიერება გამოსახატი ერთმანეთისადმი.

(მესმის, პარტიული და საარჩევნო დღის წესრიგში არ ჯდება ეს ინიციატივა, მაგრამ მადლიერება და დაფასება ზეპარტიული გააზრება, რომელიც რეალურად არასოდეს გააჩნდა საქართველოს ხელისუფლებებს და პოლიტიკურ კლასს, მით უფრო საზოგადოების იმ ნაწილს, რომელიც პოლიტიკური კონიუქტურით ცხოვრობს. მაგრამ მათაც ეკუთვნით მადლობა და დაფასება, როგორც საქართველოს მოქალაქეებს. უმთავრესი კი მაინც ის არის, რომ ხალხს ნამდვილად სჭირდება დაფასებაც და დამფასებელიც).“ - დაწერა გოჩა მირცხილავამ.

მაშ ასე, რეპრესიების ახალი ტალღა დაიწყო - ნიკა გვარამია

1 დეკემბერი, 2020 , 17:54

მთავარი არხის დირექტორის, ნიკა გვარამიას განცხადებით, 7 დეკემბრიდან, მისი საქმის განხილვის განახლების შესახებ სასამართლოდან აცნობეს. Facebook-ის გვერდზე იგი წერს, რომ ამით "რეპრესიების ახალი ტალღა დაიწყო". მისივე ვა

1 აშშ დოლარის ოფიციალური ღირებულება 3.3185 ლარი გახდა

1 დეკემბერი, 2020 , 17:25

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.3185 ლარი შეადგინა. კურსი, რომელიც დღეს მოქმედებდა, 3.3253 ლარი იყო. შესაბამისად, დოლარის ცვლილებამ ეროვნულ

მეწარმე სუბიექტებს კიდევ ერთხელ ეძლევათ შესაძლებლობა საშემოსავლო და ქონების გადასახადი 2021 წლის 1 იანვრამდე გადაივადონ

1 დეკემბერი, 2020 , 17:25

ფინანსთა სამინისტროს შემოსავლების სამსახური გაცნობებთ, რომ მხარდაჭერის პროგრამის ფარგლებში, საქართველოს მთავრობის მიერ მიღებული გადაწყვეტილების შესაბამისად, ანტიკრიზისული ეკონომიკური გეგმის თანახმად, გადამხდელთა იმ კატეგ

ჩვენ ახლა პიკში ვართ და ეს პიკი კიდევ 2-3 კვირა გაგრძელდება – თენგიზ ცერცვაძე

1 დეკემბერი, 2020 , 17:05

ჩვენ ახლა პიკში ვართ და ეს პიკი კიდევ 2-3 კვირა გაგრძელდება. შემდეგ უნდა დასტაბილურდეს და თანდათან ახალი შემთხვევების რაოდენობა შემცირდება, - ამის შესახებ ინფექციური საავადმყოფოს დირექტორმა, თენგიზ ცერცვაძემ „პირვე

“თბილისი ენერჯის“ კომერციულ მომხმარებლებს, პურის საწარმოების გარდა, ბუნებრივი გაზის ღირებულება ეზრდებათ

1 დეკემბერი, 2020 , 17:05

3 იანვრიდან შპს“ თბილისი ენერჯის“ არასაყოფაცხოვრებო მომხმარებლებს, პურის საწარმოების გარდა, ბუნებრივი გაზის ღირებულება ეზრდებათ და ერთ კუბურ მეტრზე ერთი ლარით და 10 თეთრით განისაზღვრება. კომპანიაში აღნიშნულის

ახალშობილთა მშობლებს, რომლებიც სამინისტროს შვილის დაბადების რეგისტრაციისთვის მიმართავენ, 25-ლარიანი სასაჩუქრე ვაუჩერი გადაეცემათ

1 დეკემბერი, 2020 , 17:05

15 დეკემბრიდან ახალშობილთა მშობლებს, რომლებიც იუსტიციის სამინისტროს შვილის დაბადების რეგისტრაციისთვის მიმართავენ, 25-ლარიანი სასაჩუქრე ვაუჩერი გადაეცემათ. მშობლები ასევე მიიღებენ ფასდაკლების ბარათებს ბავშვთა კვებისა და მ