პოლიტიკა
დავით ჭიჭინაძის ინფორმაციით, კვირიკაშვილსა და ივანიშვილს შორის დაპირისპირება მამუკა ხაზარაძეს უკავშირდება
„ქართული ოცნების“ წევრის, დავით ჭიჭინაძის განცხადებით, ბიძინა ივანიშვილსა და ყოფილ პრემმიერ გიორგი კვირიკაშვილს შორის განხეთქილება ბანკების თემას უკავშირდება, მათ შორის არის ანაკლიის პორტის საკითხს, რომელიც მამუკა ხაზარაძის კომპანიას გადაეცა.
ჭიჭინაძე ადასტურებს, რომ სწორედ ამ საკითხს უკავშირდება კვირიკაშვილსა და ივანიშვილს შორის დაპირისპირება.
„უნისეფის კვლევა საკმაოდ დამთრგუნველი არის იმიტომ, რომ აჩვენებს ხალხის ჭარბვალიანობას და ბანკების და ლომბარდების მიერ საკმაოდ გაზრდილი სესხების რაოდენობას, სადაც ასახული არის, რომ ჩვენი მოსახლეობა დღითიდღე ღარიბდება. ჩხუბი არ ყოფილა, უბრალოდ იყო პოზიციების შეუთავსებლობა, იმიტომ, რომ თვლიდნენ, რომ ეს პოზიცია არ არის სიჯანსაღის მაჩვენებელი და პრემიერ-მინისტრი თავის პოზიციას იცავდა იმითი რომ ყველა მაკრო-ეკონომიკური პარამეტრებით კარგი მაჩვენებლები გვაქვს,“-განაცხადა დავით ჭიჭინაძემ.
ამ ინფორმაციას უკვე გამოეხმაურა თავად მამუკა ხაზარაძე.
ის არ ადასტურებს გავრცელებულ ინფორმაციას იმის თაობაზე, რომ ბიძინა ივანიშვილსა და გიორგი კვირიკაშვილს შორის დაპირისპირების მიზეზი სწორედ ის გახდა.
ხაზარაძე უარყოფს იმასაც, რომ ანაკლიის პორტთან დაკავშირებით, რომელიც მის კომპანიას გადაეცა, მმართველ გუნდში აზრთა სხვადასხვაობა იყო.
„არაფერი აზრთა სხვადასხვაობა ანაკლიის პორტთან დაკავშირებით არ არსებობს,“-განაცხადა მამუკა ხაზარაძემ.
მამუკა ხაზარაძე გიორგი კვირიკაშვილთან ბიზნეს პარტნიორობასაც გამორიცხავს.