უკან

უახლესი ამბები

დღის კალენდარი

ანონსები

არქივი

საზოგადოება

16 დეკემბერი, 2016 18:10
font-size

დავით ნარმანია - ჯანდაცვისა და სოციალური მიმართულებით 2017 წელს ისეთივე დახმარება გაეწევა მოსახლეობას, როგორც ეს მიმდინარე და წინა წელს იყო

ჯანდაცვისა და სოციალური მიმართულებით 2017 წელს ისეთივე დახმარება გაეწევა მოსახლეობას, როგორც ეს მიმდინარე და წინა წელს იყო. ამის შესახებ თბილისის მერმა დავით ნარმანიამ საკრებულოში, ბიუჯეტის დაზუსტებული პროექტის წარდგენისას განაცხადა.

დედაქალაქის მერის თქმით, თანხის კლება ძირითადად უკავშირდება კომუნალური სუბსიდირების წესში ცვლილებას, რომლის მიხედვითაც პროგრამით ისარგებლებენ ის ადამიანები, ვისაც ეს რეალურად სჭირდება.

„რაც შეეხება ბიუჯეტის შესაბამის მუხლში ჯანმრთელობის დაცვის და სოციალური უზრუნველყოფის თანხის შემცირებას, რასთან დაკავშირებითაც ხშირად მესმის აპელირება ოპონენტების მხრიდან. საზოგადოებას განვუმარტავ, რომ ჯანდაცვისა და სოციალური მიმართულებით ისეთივე დახმარებას გაუწევს მათ თბილისის მერია 2017 - ში, როგორც ეს მიმდინარე და წინა წელს იყო, თანხის კლება კი ძირითადად უკავშირდება კომუნალური სუბსიდირების წესში ცვლილებას, რომლის მიხედვითაც პროგრამით ისარგებლებენ ის ადამიანები, ვისაც რეალურად სჭირდებათ დედაქალაქის მთავრობის დახმარება და თანხა კომუნალურებისთვის აღარ ჩაერიცხება განურჩევლად ყველას, როგორც ეს იყო ადრე, მათ შორის მე, მთავრობის წევრებს, ბიზნესმენებს და ა.შ.“, - განაცხადა დავით ნარმანიამ.

თბილისის მერის თქმით, უკლებლივ ყველა პროგრამა, რომელსაც ის თბილისელებს დაპირდა დღეს წარმატებით მიმდინარეობს.

„ჩვენ გავაკეთეთ იმაზე მეტი, ვიდრე მოქალაქეებს დავპირდით. თბილისის მერიის ჯანდაცვისა და სოციალური მომსახურების საქალაქო სამსახური დღეისათვის 31 პროგრამას უწევს ადმინისტრირებას. ჩვენ 2015–2016 წლებში ჯანდაცვის მიმართულებით 6 ახალი პროგრამის განხორციელება დავიწყეთ, ხოლო სოციალური მიმართულებით – 4. გარდა ამისა, სოციალური პროგრამების უმეტესობამ დაფინანსების კუთხით ცვლილება განიცადა და რიგ შემთხვევაში დაფინანსების ოდენობა გაორმაგდა, რიგ შემთხვევაში კი, გაიზარდა, რაც, ასევე, ჩემი წინასაარჩევნო დაპირება იყო“, - განაცხადა დავით ნარმანიამ.

თბილისის მერის თქმით, წინასაარჩევნო დაპირების შესაბამისად, ამოქმედდა ძვლის ტვინის ტრანსპლანტაციის პროგრამა. სოციალურად დაუცველ 18 წლამდე ასაკის შეზღუდული შესაძლებლობის მქონე პირებს 2015 წლიდან 800 ლარის დახმარება დაენიშნათ, ხოლო სოციალურად დაუცველი მკვეთრად შეზღუდული შესაძლებლობების მქონე უსინათლო პირები 2015 წლიდან 900 ლარის დახმარებას იღებენ.

„ჩემი წინასაარჩევნო დაპირების შესაბამისად, ბენეფიციარებისთვის რომელთა სარეიტინგო ქულაც სოციალურად დაუცველი ოჯახების მონაცემთა ერთიან ბაზაში არ აღემატება 70 001-ს, 2015 წლიდან ზამთრის პერიოდში (ნოემბერი–მარტი), კომუნალური სუბსიდია გაორმაგდა და მათ ელექტროენერგიის, დასუფთავებისა და წყლის გადასახადის დასაფარად, თვეში აბონენტის ნომერზე ერიცხებათ არაუმეტეს 106 ლარისა“, - განაცხადა დავით ნარმანიამ.

მისივე თქმით, თბილისის მერია სოციალურად დაუცველ ოჯახებში 2015 წლიდან ყველა ახალშობილზე ერთჯერადად, 500 ლარის ოდენობის დახმარებას გასცემს.

„სოციალურად დაუცველი მრავალშვილიანი ოჯახების 18 წლამდე ასაკის თითოეულ ბავშვზე კი, დაპირებისამებრ, ყოველთვიური დახმარება გაორმაგდა და 50 ლარი გახდა. ასევე, როგორც მე ჩემს თანამოქალაქეებს დავპირდი, სოციალურად დაუცველი ოჯახებისთვის 200 და რიგ შემთხვევაში 500 ლარით გაიზარდა მე-3, მე-4, მე-5 და მეტი შვილის დაბადებისთვის ერთჯერადი მატერიალური დახმარება. ერთ-ერთი წინასაარჩევნო დაპირება ასევე იყო შეზღუდული შესაძლებლობების მქონე პირთა საზოგადოებაში ინტეგრაციის ხელშეწყობა, რაც პროგრამის დაწყებაში გამოიხატა და თბილისის მერიამ 2015-2016 წლებში 60 პროექტი–განცხადება დააფინანსა“, - განაცხადა დავით ნარმანიამ.

გარდა ამისა, თბილისის მერის თქმით, მიუსაფარი პირებისთვის თბილისში აშენდა პირველი კაპიტალური თავშესაფარი, სადაც მოსკოვის პროსპექტზე მდებარე ე.წ. კარვების ქალაქიდან მიუსაფარი პირები თავშესაფრით, პირველადი სამედიცინო მომსახურებით და საკვებით არიან უზრუნველყოფილნი.

მოვითხოვთ პარლამენტმა დაუყონებლივ აკრძალოს გვამებით ვაჭრობა და დაჩქარებული წესით მიიღოს ჩვენი კანონპროექტი - ლაშა ჩხარტიშვილი

20 აპრილი, 2019 , 16:45

დღეს, „ლეიბორისტული პარტიის“ ერთ–ერთმა ლიდერმა ლაშა ჩხარტიშვილმა, პარლამენტში „შრომის უსაფრთხოების შესახებ“ კანონში ცვლილებების შეტანის შესახებ, მის მიერ მომზადებული კანონპროექტი გამაფრთხილე

გარემოს დაცვისა და სოფლის მეურნეობის სამინისტრო ბზობის დღესასწაულთან დაკავშირებით მოსახლეობას მიმართავს

20 აპრილი, 2019 , 14:50

გარემოს დაცვისა და სოფლის მეურნეობის სამინისტრო ბზობის დღესასწაულთან დაკავშირებით მოსახლეობას მიმართავს. უწყებაში აცხადებენ, რომ ქვეყნის ტერიტორიაზე ბზის ხმობა ბოლო რამოდენიმე წელიწადია განსაკუთრებულ პრობლემას წარმოადგენ

მთაწმინდელებში ცალსხად ერთი განწყობაა, ხელისუფლება უნდა შეიცვალოს - შალვა შავგულიძე

20 აპრილი, 2019 , 12:15

ბლოკ „ევროპული საქართველო – თავისუფალი დემოკრატების“ მაჟორიტარი დეპუტატობის კანდიდატი შალვა შავგულიძე ამომრჩევლებს ხვდება. შალვა შავგულიძე პეტრიაშვილის ქუჩის მცხოვრებლებს შეხვდა. როგორც „ევროპული

მართლმადიდებელი ეკლესია დღეს ლაზარეს შაბათს აღნიშნავს

20 აპრილი, 2019 , 11:12

მართლმადიდებელი ეკლესია დღეს ლაზარეს შაბათს აღნიშნავს. ამასთან დაკავშირებით ტაძრებში წირვა-ლოცვა შესრულდება. წმინდა სახარების მიხედვით, უფალმა მისი მეგობარი, ოთხი დღის მკვდარი ლაზარე მკვდრეთით აღადგინა. ლაზარეს შაბათს სრ

ნინო ანანიაშვილი ევროპა ნოსტრას პრეზიდენტი გახდა

20 აპრილი, 2019 , 10:20

თბილისის ოპერისა და ბალეტის თეატრის ბალეტის სამხატვრო ხელმძღვანელი ნინო ანანიაშვილი ევროპა ნოსტრას საპატიო პრეზიდენტად აირჩიეს. „ჩემთვის დიდი პატივია ვიყო ევროპა ნოსტრას პრეზიდენტი საქართველოში. ევროპა ნოსტრას პრეზ

საქართველოს მთავრობამ ოკუპირებულ ტერიტორიებზე მცხოვრები ახალგაზრდებისთვის საგანმანათლებლო პროგრამა დაიწყო

19 აპრილი, 2019 , 15:40

საქართველოს მთავრობამ დაიწყო საგანმანათლებლო პროგრამა ოკუპირებულ ტერიტორიებზე მცხოვრები ახალგაზრდებისთვის. საკითხი დღეს მთავრობის სხდომაზე განიხილება. საქართველოს პრემიერ-მინისტრის, მამუკა ბახტაძის განცხადებით, მიმდინარე

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019