საზოგადოება

დავით ნარმანიამ 500 ერთეულით გაზარდა შტატგარეშე მოსამსახურეების რაოდენობა - ირაკლი ნადირაძე

თბილისის საკრებულოს ფრაქცია ნაციონალური მოძრაობის წევრის ირაკლი ნადირაძის განცხადებით, მას შედეგ რაც დედაქალაქის მერი დავით ნარმანია გახდა, შტატგარეშე მოსამსახურეების რაოდენობა 500 ერთეულით გაიზარდა.

როგორც ნადირაძემ ბრიფინგზე აღნიშნა, გაიზარდა ასევე საკრებულოს და მერიის სისტემაში შტატების რაოდენობა 500 ერთეულით, რაც ჯამში დედაქალაქის ბიუჯეტს წელიწადში 5 მილიონ მეტზე ლარი უჯდება.

ნაციონალური მოძრაობა მოუწოდებს მერიის შიდა აუდიტსა და საკრებულოს სარევიზიო კომისიას შეისწავლონ შტატგარეშე მოსამსახურეების რიცხოვნობის ადეკვატურობა და მათი კვალიფიკაცია.

„როდესაც დავით ნარმანია თბილისის მერი გახდა, მან 500 ერთეულით მეტით გაზარდა მერიის სისტემაში დასაქებულთა შტატები. ასევე, საკრებულოს და მერიის სისტემაში შტატგარეშე მოსამსახურეების რაოდენობა 500 ერთეულზე მეტია და ამ ადამიანების შრომის ანაზღაურება წელიწადში, დედაქალაქის მერიას და ბიუჯეტს 5 მილინ ლარზე მეტი უჯდება. გამომდინარე იქდან, რომ გაჩნდა კონკრეტული ბრალდებები, გაჩნდა კონკრეტული შეკითხვები საზოგადოებაში, ჩვენ მივმართავთ მერიის შიდა აუდიტის სამსახურს და მივმართავთ საკრებულოს სარევიზიო კომისიას, შეისწავლოს შტატგარეშე მოსამსახურეების რიცხოვნობის ადეკვატურობა, შეისწავლოს მათი კვალიფიკაცია“,-აღნიშნა ნადირაძემ.

მონიკა დავლიანიძე