საზოგადოება

დავით ნარმანიამ გიორგი გაბუნიას ჟურნალისტური ეთიკის ქარტიაში უჩივლა

საქართველოს ჟურნალისტური ეთიკის ქარტიის ინფორმაციით, თბილისის მერმა დავით ნარმანიამ მიმართა ჟურნალისტთა დამოუკიდებელ გაერთიანებას, რადგან ფიქრობს, რომ ტელეკომპანია „რუსთავი 2“-ის წამყვანმა გიორგი გაბუნიამ ქარტიის წესები დაარღვია.

კერძოდ, განცხადებაში მითითებულია გადაცემა „P.S“-ის 12 თებერვლის სიუჟეტი „არასაჭირო ოთახი“, რომელიც ეხებოდა თბილისში საზოგადოებრივი საპირფარეშოების თემას. მერის თქმით, სიუჟეტი არაზუსტ, გადაუმოწმებელ ფაქტებს შეიცავდა და დარღევეულია ქარტიის პირველი პრინციპი ( ჟურნალისტმა ზუსტი ინფორმაცია უნდა მიაწოდოს საზოგადოებას), მესამე ( ჟურნალისტმა მხოლოდ წყაროს მიერ დადასტურებული ინფორმაცია უნდა გააშუქოს) და მე-11, რომელიც ფაქტის განზრახ დამახინჯებას გულისხმობს.

რაც შეეხება გაბუნიას, მერის განცხადების თანახმად, სიუჟეტის დასრულების შემდეგ წამყვანის მონოლოგი არღვევს ქარტიის მე-7 პრინციპს, რომელიც კრძალავს ჟურნალისტს დისკრიმინაციის წახალისებას რასის, სქესის, სექსუალური ორიენტაციის, ენის, რელიგიის, პოლიტიკური და სხვა შეხედულებების, ეროვნული ან სოციალური წარმოშობის მიხედვით და ა.შ..

ანა მებურიშვილი