საზოგადოება
დავით სერგეენკომ დამწვრობის ცენტრში ხობში აფეთქების შედეგად დაშავებულები მოინახულა
ჯანდაცვის მინისტრმა დავით სერგეენკომ დამწვრობის ცენტრში ხობში აფეთქების შედეგად დაშავებულები მოინახულა.
მინისტრის თქმით, პაციენტების მდგომარეობა კრიტიკულად მძიმეა.
ჯანდაცვის მინისტრი დაშავებულების ახლობლებსაც შეხვდა და მათი მდგომარეობა პირადად გააცნო.
დამწვრობის ცენტრის ხელმძღვანელის, გუგა ქაშიბაძის განცხადებით, დაშავებულ 9 წლის გოგონას სხეულის 50%-იანი დამწვრობა აღენიშნება. მისი თქმით, პაციენტს დაზიანებული აქვს სასუნთქი სისტემა.
აფეთქების შედეგად ჭითანავების ოჯახში მყოფმა შვიდმა ადამიანმა სხეულის სხვადასხვა ხარისხის დამწვრობა გუშინ მიიღო. გავრცელებული ინფორმაციით, აფეთქება დიზელის ნაცვლად, ბენზინის გამოყენებამ გამოიწვია.
დაშავებულთაგან ხუთი პაციენტი თბილისში გუშინ გადაიყვანეს. ერთ-ერთი მათგანი, 67 წლის მამაკაცი დამწვრობის ცენტრში გარდაიცვალა. როგორც გუგა ქაშიბაძემ განაცხადა, მამაკაცი კლინიკაში სხეულის 95-პროცენტიანი დამწვრობით შეიყვანეს და მას სასუნთქი გზების თერმულ-ინჰალაციური დაზიანება ჰქონდა მიღებული.