უკან
საზოგადოება
17 მარტი, 2018 13:20
დავით სერგეენკომ დაშავებული ორსული ტურისტი მოინახულა
გუდაურის ინციდენტის დროს დაშავებული შვედეთის მოქალაქე, რომელიც ორსულადაა, ჯანდაცვის მინისტრმა დავით სერგეენკომ კლინიკაში მოინახულა.
სერგეენკოს ინფორმაციით, პაციენტის მდგომარეობა დამაკმაყოფილებელია და ნაყოფის მხრივ, რაიმე გართულება არ აღინიშნება.
„ორსული ქალბატონის მდგომარეობა, რომელიც აქ იმყოფება, დამაკმაყოფილებელია. ნაყოფის მხრივ, რაიმე გართულება არ აღინიშნება. მისი ჩივილია წელის ტკივილი, რომელიც სავარაუდოდ დაჟეჟილობით არის გამოწვეული. დღის განმავლობაში ის დარჩება ექიმების კვლევა- მეთვალყურეობის ქვეშ და ვფიქრობ, შესაძლებელი იქნება გაწერა და გამგზავრება“, – განაცხადა დავით სერგეენკომ.