სამართალი
დავით უსუფაშვილი პარტიას ქმნის
საქართველოს პარლამენტი ყოფილი თავმჯდომარე დავით უსუფაშვილი პოლიტიკურ პარტიას ქმნის, რომლის მთავარი ამოცანა 2020 წელს არჩევნებში წარმატების მიღწევა და კოალიციურ ხელისუფლებაში მოსვლა იქნება.
ამის შესახებ უსუაფშვილმა მედიას განუცხადა.
მისი თქმით, პოლიტიკურ პროექტთან დაკავშირებით იგი გარკვეული დროის განმავლობაში იმ ადამიანებთან მუშაობდა, ვისაც ქვეყნის განვითარების ხედვა აქვთ.
„ეს არის პოლიტიკური პროექტი. პოლიტიკურ პროექტში იგულისხმება არჩევნებში წარმატების მიღწევა. ჩვენი მთავარი ამოცანა იქნება 2020 წელს არჩევნებში წარმატება და ხელისუფლებაში მოსვლა, კოალიციურ ხელისუფლებაში მოსვლა. მანამდე, ძალიან მნიშვნელოვანი პოლიტიკური მოვლენებია, ყოველი დღე მნიშვნელოვანია. პოლიტიკურ პროექტში იქნება გარკვეული ეტაპები. მოახლოებულ ადგილობრივ არჩევნებში ამ გუნდის ნაწილი, ალბათ მიიღებს მონაწილეობას, მეორე ნაწილი, შესაძლოა აქტიურად არ ჩაერთოს, იმიტომ, რომ მათთვის შესაძლოა პოლიტიკური პროცესების მომდევნო ეტაპები უფრო იყოს საინტერესო და დანახული“,-აღნიშნა უსუფაშვილმა.
მონიკა დავლიანიძე