პოლიტიკა

დავით ზალკალიანი თურქ კოლეგას შეხვდა

საქართველოს საგარეო საქმეთა მინისტრმა დავით ზალკალიანმა ნიუ-იოკში ვიზიტის ფარგლებში შეხვედრა გამართა თურქეთის რესპუბლიკის საგარეო საქმეთა მინისტრთან მევლუთ ჩავუშოღლუსთან.

შეხვედრაზე საუბარი შეეხო საქართველო-თურქეთის სტრატეგიულ პარტნიორობას, რაც გამოიხატება მრავალწლიან წარმატებულ თანამშრომლობაში სხვადასხვა სფეროში.

ქართულმა მხარემ მადლობა გადაუხადა თურქეთს საქართველოს სუვერენიტეტისა და ტერიტორიული მთლიანობის, ასევე ქვეყნის ევროპული და ევრო-ატლანტიკური ინტეგრაციის მხარდაჭერისთვის.

როგორც თურქეთის საგარეო საქმეთა მინისტრმა აღნიშნა, ანკარა კვლავაც გააგრძლებს საქართველოს მხარდაჭერას, როგორც ორმხრივ, ასევე საერთაშორისო ფორმატებში.

ორმხრივი ურთიერთობის კონტექტსში მხარეებიმა კიდევ ერთხელ ხაზი გაუსვეს საქართველო-თურქეთს შორის მაღალი დონის სტრატეგიული თანამშრომლობის საბჭოს განსაკუთრებულ მნიშვნელობას და გამოთქვეს მზადყოფნა საბჭოს მომდევნო შეხვედრისთვის, რომელიც ანკარაში გაიმართება.

შეხვედრაზე აღინიშნა საქართველო-თურქეთის ჩართულობა საერთაშორისო სატრანზიტო და ენერგეტიკულ პროექტებში და ის მნიშვნელოვანი როლი, რასაც საქართველო და თურქეთი ასრულებენ სამხრეთ დერეფნის განვითარების პროცესში. ამ მხრივ ხაზი გაესვა ბაქო-თბილისი-ყარსის პროექტს და მისი იმპელემნტაციის მნიშვნელობას. ქართული მხარე ასევ მიესალმა ტრანსანატოლიური გაზსადენის TANAP-ის პროექტის გახსნას.

მინისტრმა თურქ კოლეგას მიაწოდა ინფორმაცია საქართველოს ოკუპირებულ რეგიონებში ადამიანის უფლებების დარღვევის ფაქტებთან დაკავშირებით, ასევე ესუბრა საქართველოს მთავრობის სამშვიდობო ინიციატივაზე „ნაბიჯი უკეთესი მომავლისაკენ“. მან მადლობა გადაუხადა თურქეთს არაღიარების პოლიტიკის განხორციელებაში საქართველოს მხარდაჭერისათვის.

თურქმა კოლეგამ კიდევ ერთხელ მიულოცა დავით ზალკალინს აღნიშნულ თანამდებობაზე დანიშვნა. ეს გახლდათ მინისტრის პოზიციიდან კოლეგების პირველი შეხვედრა. მხარეებმა გამოთქვეს მზადყოფნა მომავალშიც აქტიურად ითანამშრომლონ როგორც ორმხრივი ურთიერთობების, ისე საერთაშორისო ფორმატებში ურთიერთმხარდაჭერის მიმართულებით.