შინაგან საქმეთა სამინისტროს არქივის დირექტორის დავით აფრასიძის განცხადებით, კონკრეტული შეთავაზების შემთხვევაში ის პოლიციის აკადემიის რექტორობას დათანხმდება.

როგორც ,,მედიანიუსს” დავით აფრასიძემ განუცხადა, ჯერჯერობით გეგმებზე საუბარი ნაადრევია, ვინაიდან ამ ეტაპზე გადაწყვეტილება მიღებული არ არის.

,,ჩემთვის ცნობილია, რომ იყო ამაზე საუბარი, თუმცა ოფიციალური გადაწყვეტილება ჯერჯერობით მიღებული არ არის. არც ისაა ცნობილი, თუ როდის მოხდება ჩემი წარდგენა”-აღნიშნა აფრასიძემ.

შეგახსენებთ, რომ რამდენიმე დღის წინ გამოცდების ეროვნული ცენტრის დირექტორი მაია მიმინოშვილი განათელების მინისტრის დიმიტრი შაშკინის ბრძანების საფუძველზე თანამდებობიდან გაათავისუფლეს. მისი ადგილი დღეს პოლიციის აკადემიის რექტორმა ხატია დეკანოიძემ დაიკავა.