პოლიტიკა

დავით ბერძენიშვილი -საკონსტიტუციო ცვლილებების ორ პროექტზე: ერთის კარგია შინაარსი, მეორის - ვადა

პარლამენტის პლენარულ სხდომაზე ინტერპარტიული ჯგუფის მიერ ინიცირებულ კანონპროექტს განიხილავენ, რომლის მიხედვითაც, საარჩევნო მაჟორიტარული სისტემა პროპორციულით 2016 წლის საპარლამენტო არჩევნებამდე უნდა შეიცვალოს. დღის წესრიგშია საპარლამენტო უმრავლესობის 81 წევრის მიერ წარდგენილი საკონსტიტუციო ცვლილებების პროექტი განხილვაც, რომელიც ანალოგიური ცვლილების 2016 წლის შემდგომ არჩევნებზე ამოქმედებას ითვალისწინებს. რესპუბლიკური პარტიის წევრის, ლევან ბერძენიშვილის განცხადებით, საპარლამენტო უმრავლესობის ინიციატივა შინაარსობრივად უფრო გამართულია, ხოლო ინტერპარტიული ჯგუფის კანონპროექტი ცვლილების ამოქმედების ვადების მხრივ არის უფრო მისაღები.

,,რა თქმა უნდა, იქნებოდა უკეთესი, რომ 2016 წელს ამუშავებულიყო რეგიონული-პროპორციული სისტემა.

საუკეთესო ვერსია იქნებოდა, ჩვენი ტექსტი 2016 წელს ამუშავებულიყო. მაგრამ ამის შესაძლებლობა ძალიან დაბალია და სხვა ვერსიები არის უკეთესი, ვიდრე დღევანდელი რეალობა, ამიტომ, განვიხილავთ ორივე მოდელს და ორივეს მიმართ ვართ კეთილგანწყობილი“, - განაცხადა დავით ბერძენიშვილმა.

ოპოზიციური პარტიების მიერ შემუშავებული კანონპროექტი დეპუტატებს მამუკა კაციტაძემ გააცნო, რის შემდეგაც კითხვა-პასუხის რეჟიმი დაიწყო. კითხვა-პასუხის შემდეგ, პლენარულ სხდომაზე საკუთარ აზრს საპარლამენტო ფრაქციების წარმომადგენლები დააფიქსირებენ.

მარი ნამგალაძე