კასპში კოალიცია „ქართული ოცნების“ მაჟორიტარი კანდიდატი დავით ონოფრიშვილი უახლოეს დღეებში ზემოხსენებულ რაიონში ჩასვლას და იქ არსებული პრობლემების დეტალურ შესწავლას გეგმავს.

როგორც მან დღეს გორში გამართული აქციის დასრულების შემდეგ ჟურნალისტებს განუცხადა, იგი წარმოშობით კასპის რაიონიდანაა და კარგად იცნობს იმ პრობლემებს, რომელიც ამ რაიონის მოსახლეობას აწუხებს.

„ვაპირებ რაიონის ყველა სოფლის შემოვლას და პრობლემების დეტალურად გაცნობას, პარალელურ რეჟიმში მოსახლეობას გავაცნობ იმ პროგრამას და დაპირებებს, რომელითაც ჩვენ 2012 წლის საპარლამენტო არჩევნებზე მივდივართ“, _ განაცხადა ონოფრიშვილმა.

მისივე ინფორმაციით, კასპის რაიონის მოსახლეობას განსაკუთრებით აწუხებთ უმუშევრობის და სარწყავი წყლის ნაკლებობის პრობლემა.