მსოფლიო

უკრაინის თავდაცვის ძალები იგერიებენ და აჩერებენ რუსეთის შეიარაღებული ძალების შეტევითი ოპერაციას ყველა მიმართულებით - გენშტაბი

საომარი მოქმედებების დაწყებიდან, რუსული ჯარის 31 ბატალიონის ტაქტიკურმა ჯგუფმა დაკარგა საბრძოლო უნარი, - ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.

06:00 საათისთვის უკრაინის თავდაცვის ძალები იგერიებენ და აჩერებენ რუსეთის შეიარაღებული ძალების შეტევითი ოპერაციას ყველა მიმართულებით.

კერძოდ, პოლისიას, სევერსკის და პივდენნობუჟსკის ოპერაციულ რაიონებში მტერმა განიცადა დიდი დანაკარგი ცოცხალი ძალითა და აღჭურვილობით, გაჩერდა და ცდილობდა ფეხის მოკიდებას საზღვრებზე.

დონეცკის მიმართულებით, წინსვლის მცდელობისას, რუსულმა ჯარებმა მიიღეს უკრაინელი მცველებისგან ღირსეული პასუხი და ზოგიერთ მიმართულებაზე შეაჩერეს, დანარჩენში კი მტერმა საგრძნობლად შეამცირა წინსვლის ტემპი.

საომარი მოქმედებების დაწყებიდან უკრაინის ტერიტორიაზე მოქმედი მტრის 31 ბატალიონის ტაქტიკურმა ჯგუფმა დაკარგა საბრძოლო უნარი.

„საბრლო მოქმედებების შედეგად რუსული შეიარაღებული ძალების ქვედანაყოფების უმეტესობა, რომლებსაც ჰქონდათ უშუალო საბრძოლო კონტაქტი უკრაინის შეიარაღებულ ძალებთან, დემორალიზებულია, პირადი შემადგენლობბის მორალურ-ფსიქოლოგიური მდგომარეობა მცირდება, ფიქსირდება ტყვედ ჩაბარების შემთხვები ცალკეული ჯგუფების მიერ. უკანასკნელ დღეებში შეინიშნება მოწინააღმდეგის დეზერტირების მცირე ჯგუფების გადაადგილება სახელმწიფო საზღვრის მიმართულებით. მტერს აქვს სერიოზული პრობლემა რეზერვის შევსების მიმართულებით.

უკრაინის შეიარაღებული ძალები, უსაფრთხოებისა და სახელმწიფოს თავდაცვის სხვა შესაბამის სექტორებთან ერთად შეთანხმებული ურთიერთქმედებით აკავებს ოკუპაციური ჯარების მასიურ თავდასხმას, უწევს წინააღმდეგობას.

გვჯერა უკრაინის შეიარაღებული ძალების! ერთად გავიმარჯვებთ! დიდება უკრაინას!“- ნათქვამია გენშტაბის განცხადებაში.