პოლიტიკა
დედაქალაქს ჰყავს პასუხისმგებლიანი მთავრობა და საკრებულო, რომელიც სწორად გეგმავს ბიუჯეტს - კახა კალაძე
საკრებულოში დედაქალაქის 2019 წლის ბიუჯეტის შესწორებული პროექტი უკვე შევიდა.
საკრებულოს ოპოზიცია აღნიშნულ პროექტს მხარს არ უჭერს და აცხადებს, რომ დედაქალაქის ბიუჯეტი მოქალაქეების ინტერესებთან არავითარ კავშირში არ არის.
ოპოზიციის ბრალდებებს დედაქალაქის მერი პასუხობს.
„ჩვენ უფასო სასადილოებზე დაფინანსება გავზარდეთ, არ ვიცი გაქვთ თუ არა ინფორმაცია. ემთხვეოდა არა, ეს ჩვენ გამოვაცხადეთ და ამის შემდეგ დაიწყეს მათ საუბარი. უნდოდათ, რომ ქულები ჩაეწერათ, თუმცა ამას არანაირი მნიშვნელობა არ აქვს. დედაქალაქს ჰყავს პასუხისმგებლიანი მთავრობა და საკრებულო, რომელიც სწორად გეგმავს ბიუჯეტს და აცნობიერებს იმ ვალდებულებებს და საჭიროებებს, რომელიც სჭირდება დედაქალაქს და დედაქალაქის მოსახლეობას. თუ აქვთ რაიმე შენიშვნები, რომელიც აზრსმოკლებული არ არის, ჩვენ მზად ვართ გავითვალისწინოთ ყველა შენიშვნა,“ - განაცხადა კახა კალაძემ.