სამართალი

დეკანოზ გიორგი მამალაძეს პროკურორები, სავარაუდოდ, ორშაბათს დაკითხავენ

ე.წ. ციანიდის საქმეზე ბრალდებულ დეკანოზ გიორგი მამალაძეს პროკურორები სავარაუდოდ, ორშაბათს, 27 თებერვალს დაკითხავენ.

საქმის პროკურორის არჩილ ტყეშელაშვილის განმარტებით, ხმის, ხელნაწერებისა და დნმ-ის ნიმუშების აღებას პროცედურულად დიდი დრო დასჭირდა, რის გამოც დაკითხვა გუშინ ვეღარ მოხერხდა.

„ჩვენ შესულები ვიყავით შესაბამისი ნიმუშების ასაღებად, კერძოდ ხმის, ხელნაწერებისა და დნმ-ის ნიმუშები ავიღეთ. ვინაიდან პროცედურამ დიდხანს გასტანა, მისი დაკითხვა ვეღარ მოხერხდა. შევუთანხმდებით დაცვის მხარეს, როცა იქნება ოპტიმალური დრო და მოხდება ბრალდებულ მამალაძის დაკითხვა“, - აღნიშნა პროკურორმა.

ნინო ექვთიმიშვილი