უახლესი ამბები
არქივი
სამართალი
დეკანოზ გიორგი მამალაძის ადვოკატები დაკითხვაზე დაიბარეს
პროკურატურის მიერ დაწყებულ გამოძიებასთან დაკავშირებით, დეკანოზ გიორგი მამალაძის ადვოკატები დაკითხვაზე დაიბარეს.
მიხეილ რამიშვილი ხვალ, 12:00 საათზე დაიკითხება. ცნობილია, რომ დაკითხვასთან დაკავშირებით ინფორმაცია მიაწოდეს გიორგი ფანცულაიას და მია ზოიძესაც.
საქმე ეხება გამოძიებას, რომელიც ე.წ. ციანიდის საქმის დახურული სასამართლო პროცესების ამსახველი მასალების მედიასაშუალებებში გავრცელების ფაქტებზე დაიწყო.
მთავარი პროკურატურის ინფორმაციით, მედიაში სხვადასხვა პერიოდში გავრცელდა დახურულ სასამართლო პროცესზე, პატრიარქის დაცვის ყოფილი უფროსის სოსო ოხანაშვილის, პატრიარქის მდივან-რეფერენტის შორენა თეთრუაშვილის, მეუფე დიმიტრის ჩვენებები და ასევე დეკანოზ გიორგი მამალაძის საბოლოო სიტყვა. გამოძიება გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებითაა დაწყებული.