სამართალი
დეკანოზ გიორგი მამალაძის ადვოკატები საკონსტიტუციო სასამართლოში სარჩელი პარლამენტის წინააღმდეგ შეაქვთ
ე.წ ციანიდის საქმეზე მსჯავრდებულის მამა გიორგი მამალაძის ადვოკატები, საკონსტიტუციო სასამართლოში სარჩელი საქართველოს პარლამენტის წინააღმდეგ შეაქვთ.
როგორც ჟურნალისტებთან საუბარში გიორგი ფანცულაიამ განმარტა, ადვოკატები 374 მუხლის შეჩერებას ითხოვენ, რომელიც მათ საქმის მასალების გასაჯაროებას უკრძალავს.
„პირველ რიგში ვითხოვთ, რომ ამ 374 მუხლის ნორმა შეჩერდეს, სანამ სასამართლო განხილვას არ დაამთავრებს. ვინაიდან არსებობს ალბათობა იმისა, რომ როგორც აქამდე იზღუდებოდა ამ უკანონო ნორმით ჩვენი უფლებები, ახლა უკვე ჩვენს მიმართ პასუხისმგებლობა დადგეს ამ უკანონო ნორმის შედეგად. ამიტომ, ამ ნორმის მოქმედება შეჩერდეს, სანამ სასამართლო გადაწყვეტილებას მიიღებს და ამავდროულად უმთავრესია, რომ ამ ნორმის კონსტიტუციურობა დადგეს დღის წესრიგში და უამრავი სამართლებრივი არგუმენტი არსეობს, რის გამოც ეს ნორმა საერთოდ უნდა გაუქმდეს“,-განმარტა ადვოკატმა.
მონიკა დავლიანიძე