სამართალი
დეკანოზ გიორგი მამალაძის და ჩვენი, ადვოკატების ინტერესი არის რომ არ დარჩეს ამ საქმეზე კითხვები - გიორგი ფანცულაია
ადვოკატი გიორგი ფანცულაია მისი დაცვის ქვეშ მყოფ დეკანოზ გიორგი მამალაძის მონახულებას დღეისთვის გეგმავს.
რა ინფორმაცია მიაწოდა გუშინ მეუფე გრიგოლს დეკანოზმა გიორგი მამალაძემ ამის შესახებ მამალაძის ადვოკატისთვის სწორედ ამ შეხვედრის შემდეგ გახდება ცნობილი.
უფლებადამცველი არ გამორიცხავს, რომ დეკანოზის საქმით უკვე სინოდიც დაინტერესდეს და უახლოეს სხდომაზე ამის შესახებ მსჯელობა შედეგს.
როგორც გიორგი ფანცულაია ამბობს, მეუფე გრიგოლის გარდა, დეკანოზი მამალაძე ე.წ. მატროსოვის ციხეში სხვა მღვდელმთავრებმაც მოინახულეს, რის შედეგადაც მაღალი იერარქიის სასულიერო პირებს ციანიდის საქმეზე უკვე დეტალური ინფორმაცია გააჩნიათ.
"ძალიან მნიშვნელოვანია ეს შეხვედრა შემდგარიყო, იმიტომ რომ საკმაოდ დიდი ხანი გავიდა ციანიდის ამ სკანდალის დაწყებიდან და სამწუხაროდ გარკვეულ პირებს თითქოსდა ყველა კითხვა არ აქვს ამოწურული ამ საკითხთან დაკავშირებით. პირველ რიგში დეკანოზ გიორგი მამალაძის და ჩვენი, ადვოკატების ინტერესი არის რომ არ დარჩეს ამ საქმეზე კითხვები,"-აცხადებს გიორგი ფანცულაია.
ნინო ექვთიმიშვილი