სამართალი
დეკანოზ გიორგი მამალაძის ინტერესებს ორი სახაზინო ადვოკატიც დაიცავს
ე.წ. ციანიდის საქმეზე ბრალდებულის დეკანოზ გიორგი მამალაძის ადვოკატის, მიხეილ რამიშვილის განმარტებით, სასამართლო პროცესი დაცვის მხარის მოთხოვნით გადაიდო.
როგორც რამიშვილმა ჟურნალისტებს განუცხადა, საქმეს ორი სახაზინო ადვოკატი დაემატა.
მისივე თქმით, სახაზინო ადვოკატები სრულყოფილად არ იცნობენ საქმეს და პროცესის გადადება სწორედ ამ მიზეზით მოითხოვეს.
„მამა გიორგის პოზიცია იყო, რომ ეს სახაზინო ადვოკატები ჩვენთან ერთად, ამ საქმეში დარჩენილიყვნენ. იმის გათვალისწინებით, რომ ძალიან დიდი მოცულობის საქმეა, აუდიო-ვიდეო ჩანაწერები სრულყოფილად არ აქვთ ჩაბარებული და ამიტომ ვითხოვეთ ჩვენ პროცესის გარკვეული პერიოდით გადადება, რათა სახაზინო ადვოკატები სრულყოფილად მოემზადონ და ყველა პოზიცია ერთად შეჯერებული იყოს. ყველას მიგვაჩნია, რომ ჩვენ ერთი პრინციპი გვაქვს - მამა გიორგი მამალაძის უდანაშაულობის დამტკიცება", - განაცხადა მიხეილ რამიშვილმა.