საზოგადოება

დეკანოზ გიორგი მამალაძის ოჯახი პატრიარქთან შეხვედრას ორი დღის ვადაში ითხოვს

ე.წ ციანიდის საქმეზე ბრალდებულის დეკანოზ გიორგი მამალაძის ოჯახის წევრები ორი დღის ვადაში პატრირაქთან შეხვედრას ითხოვენ.

როგორც მედიასთან საუბარში, დეკანოზის ძმამ თორნიკე მამალაძემ განაცხადა, ამ დრომდე ვერ ხერხდება პატრიარქთან შეხვედრა, მიუხედავად იმისა, რომ ამის სურვილი საპატრიარქოს მხრიდან წამოვიდა.

მისი თქმით, იმ შემთხვავაში, თუ ოჯახის წევრების შეხვედრა ილია მეორესთან უახლოეს ორ დღეში ვერ მოხერხდება, მთელი ოჯახით, მცირეწლოვან ბავშვებთან ერთად საპატრიარქოში მისვლას და ამ ფორმით კიდევ ერთხელ მოითხოვენ კათოლიკოს პატრიარქთან შეხვედრას.

"გვატყუებენ, ხან უწმინდესი შეუძლოდ არისო, ხან ბობოყვათში არისო, ორშაბათს დამირეკეს და მითხრეს, სამშაბათს 11 საათზე იქნება შეხვედრაო, რის შემდეგაც, ისევ ორშაბათს დამირეკეს და მითხრეს, პატრიარქი შეუძლოდ არისო. თუ ამ ორ დღეში არ მოხერხდება უწმინდესთან შეხვედრა, მამა გიორგის ოჯახი, თავის მცირეწლოვან შვილებთან ერთად, დავდგებით საპატრიარქოსთან, სხვა გზა არ დაგვიტოვეს, უკიდურეს ზომამდე მივყავართ," - განაცხადა თორნიკე მამალაძემ.

მონიკა დავლიანიძე