უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
არქივი
კომენტარი
დეკანოზ მამალაძის თქმით, როდესაც მას ბრალი გააცნეს, ბრალში სასულიერო პირზე საუბარი არ იყო - ომბუდსმენი
მაღალი რანგის სასულიერი პირის მოწამვლის დაგეგმვის საქმეზე დაკავებულ დეკანოზ გიორგი მამალაძეს საპატიმროში სახალხო დამცველი შეხვდა.
როგორც შეხვედრის შემდეგ ომბუდსმენმა ჟურნალისტებს განუცხადა, მამა გიორგი მამალაძე ბრალს უსაფუძვლოდ მიიჩნევს და აცხადებს, რომ მას ციანიდი არ ჰქონია.
უჩა ნანუაშვილის განცხადებით, მასთან საუბრისას დეკანოზმა გიორგი მამალაძემ აღნიშნა, რომ როდესაც მას ბრალი გააცნეს, ბრალში სასულიერო პირზე საუბარი არ იყო.
”ის ამბობს, რომ სასულიერო პირზე და უმაღლესი იერარქიის მქონე სასულიერო პირზე საერთოდ არ არის საუბარი ბრალში, რომელიც მას წარედგინა. მე ყველა დეტალს ვერ ვიტყვი და თვითონაც არ უსაუბრია ამაზე, თუმცა ამბობს, რომ გაჟღერებული ინფორმაცია, თითქოს მაღალი იერარქიის სასულიერო პირზეა საუბარი და გამიზნული იყო კონკრეტული დანაშაული, ამაზე ბრალში საერთოდ არ არის საუბარი”, - განაცხადა ნანუაშვილმა.
ომბუდსმენის თქმით, საქმესთან დაკავშირებით ბევრი კითხვა ჩნდება. სახალხო დამცველი საგამოძიებო უწყებებს მოუწოდებს, რომ უფრო მეტი ინფორმაცია გახდეს საჯარო.
ამასთან, მისივე თქმით, მამა გიორგის დაკავება, სავარაუდოდ, პროცედურული დარღვევებით მოხდა. როგორც მისთვის ცნობილი გახდა, დეკანოზს ერთი ზარის განხორციელების უფლება არ მისცეს და ბრალი თავის დროზე არ გააცნეს.
ომბუდსმენის ინფორნაციით, დეკანოზი გიორგი მამალაძე ოჯახის უსაფრთხოების გარანტიებს ითხოვს.
ნინო ექვთიმიშვილი