პოლიტიკა

დეკანოზმა გიორგი მამალაძემ ე.წ. „ციანიდის საქმის“ სცენარის შემსრულებლად სოსო გოგაშვილი დაასახელა (ვიდეო)

ე.წ. „ციანიდის საქმეში“ ბრალდებულმა დეკანოზმა გიორგი მამალაძემ მისი დაკავების სცენარის შემსრულებლად სახელმწიფო უსაფრთხოების სამსახურის უფროსის მოადგილე, იოსებ გოგაშვილი დაასახელა. ამის შესახებ ნათქვამია დეკანოზის ერთაბზაციან წერილში, რომელიც მამალაძემ „რუსთავი 2“-ის „კურიერს“ გაუგზავნა.

როგორც მამალაძემ დაწერა, ამ საქმეში ჩართულები არიან შორენა თეთრუაშვილიცა და მეუფე იაკობიც, რომლებიც ყველანაირად ცდილობენ, პატრიარქს სიმართლე არ გააგებინონ.

„არსებული სიტუაცია ნათლად აჩვენებს არსებული საქმის წინასწარ დაგეგმვას, რომლის სცენარის ავტორები არიან შორენა თეთრუაშვილი, მეუფე იაკობი, ხოლო სცენარის განმახორციელებელია სოსო გოგაშვილი (რომლის შვილის ნათლიაც არის აიკობი), და ისინი ყველაფერს ცდილობენ, რომ პატრიარქმა არ იცოდეს სიმართლე, თუ ვინ და რისთვის მოაწყო ეს ყველაფერი“, - ნათქვამია წერილში.

მომდევნო სასამართლო სხდომა ე.წ. „ციანიდის საქმესთან“ დაკავშირებით 23 ივნისს გაიმართება.

ანა მებურიშვილი