სამართალი

დეკანოზმა გიორგი მამალაძემ შესაძლოა, დუმილის უფლება ხვალვე დაარღვიოს - ადვოკატი

მამა გიორგი მამალაძე სრულყოფილ ჩვენებას მისცემს უახლოეს დღეებში ანუ დუმილის უფლებას დაარღვევს. ეს შეიძლება მოხდეს ხვალ, - განუცხადა ჟურნალისტებს დეკანოზ გიორგი მამალაძის ადვოკატმა, მიხეილ რამიშვილმა, რომელმაც ჩაფიძის კლინიკაში მისი დაცვის ქვეშ მყოფი მოინახულა.

როგორც ადვოკატმა განაცხადა, ინფორმაცია, რომელიც დეკანოზს აქვს, ეჭვქვეშ დააყენებს მის მიმართ წაყენებული ბრალდებების კანონიერებას.

„ჩვენ ვთვლით, რომ მამა გიორგი არის უდანაშაულო, მას აქვს გარკვეული ბაზა ინფორმაციის, რომელიც ეჭვქვეშ დააყენებს მის მიმართ წაყენებული ბრალდების კანონიერებას“, - განაცხადა მიხეილ რამიშვილმა.

ნინო ექვთიმიშვილი