უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
არქივი
საზოგადოება
დეკანოზს როდის ვაზიარებ ან აღსარებას როდის ჩავიბარებ მოძღვრები გავარკვეთ - მამა იაკობი
ე.წ ციანიდის საქმეზე ბრალდებული დეკანოზი გიორგი მამალაძე მამა იაკობმა მოინახულა.
როგორც სასულიერო პირმა მედიას განუცხადა, ჯერ უცნობია როდის აზიარებს, ან ჩაიბარებს მამა გიორგის აღსარებას.
მისი თქმით, ეს სასულიერო პირების გადასაწყვეტია და საკითხი, ეკლესიის შიგნით მოგვარდება.
„მე ყველა პატიმარს ვხვდები, მოძღვარი ვარ. ავად ვიყავი, ოპერაცია გავიკეთე და როდესაც მომეცა საშუალება მოვინახულე, მეტი არაფერი. მე პატიმარს როდის ვაზიარებ, როდის აღსარებას ჩავიბარებ ამას არც ტელევიზიებში და არც გაზეთებში არ ვწერთ. რა საჭიროა. რატომ გაინტერესებთ, ამიხსენით? ეს სასულიერო საკითხია და მაგას ჩვენ, სასულიერო პირები მოვაგვარებთ, სხვების გარეშე. ეს არ არის ისეთი თემა რომ ინეტრვიუში ვთქვა, ამ დღეს ვაზიარე, თუ იმ დღეს. ეს არ არის თქვენთვის საინტერესო, ჩვენ მოძღვრები გავარკვეთ ამ საკითხს“,-განმარტა მამა იაკობმა.
შეგახსენებთ, რომ ხვალ, 13:00-ზე ბრალდებული დეკანოზის ოჯახის წევრები, ადვოკატების გარეშე საპატრიარქოში ილია მეორეს შეხვდებიან.
მონიკა დავლიანიძე