უკან

უახლესი ამბები

დღის კალენდარი

ანონსები

არქივი

საზოგადოება

16 იანვარი, 2018 17:30
font-size

დევნილთა დახმარების პროგრამის ფარგლებში 1000-მდე ოჯახი დაფინანსდა

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, ევროკავშირის ელჩი საქართველოში იანოშ ჰერმანი და FAO-ს წარმომადგენელი საქართველოში მამუკა მესხი დევნილთა დახმარების პროგრამის შემაჯამებელ ღონისძიებას დაესწრნენ.

დევნილთა სამინისტროს ინფორმაციით, ორწლიანი პროგრამის ფარგლებში, 1000-მდე უკიდურესად მოწყვლადი კატეგორიის დევნილი ოჯახის განაცხადი დაფინანსდა.

საგრანტო პროგრამა - „ეკონომიკური შესაძლებლობების თანაბარი ხელმისაწვდომობა დევნილებისთვის“ - ევროკავშირის დაფინანსებით, გაეროს სურსათისა და სოფლის მეურნეობის ორგანიზაციისა (FAO) და დევნილთა საარსებო წყაროებით უზრუნველყოფის სააგენტოს მიერ, UN Women-თან თანამშრომლობით განხორციელდა. პროგრამა მიზნად ისახავდა უკიდურესად მოწყვლადი კატეგორიის დევნილების სოციალურ-ეკონომიკურ დახმარებას.

სამიზნე კატეგორიაში ერთიანდებოდნენ: მარტოხელა მშობლები მცირეწლოვანი შვილებით, ოჯახები შეზღუდული შესაძლებლობების მქონე წევრით, 25 წლამდე ახალგაზრდის ან ხანდაზმული ადამიანის მიერ მართული ოჯახები. ბენეფიციარებს ჩაუტარდათ ტრენინგები და ამასთანავე დაუფინანსდათ ინიციატივები სასოფლო-სამეურნეო წარმოებისა და სასურსათო უზრუნველყოფის გაუმჯობესების მიმართულებით. გრანტის თანადაფინანსებით დევნილებმა შეიძინეს სასოფლო-სამეურნეო ტექნიკა, მოაწყვეს ბაღები, ვენახები, წამოიწყეს თაფლის, რძის წარმოება და ა.შ. სასოფლო-სამეურნეო ინიციატივით, საერთო ჯამში, 976 საგრანტო განაცხადი დაფინანსდა, რამაც ჯამში 4 მილიონი ლარი შეადგინა.

ასევე, პროგრამის ფარგლებში დაფინანსება გაიცა ქვეყნის მასშტაბით 48 საბავშვო ბაღზე, რომლებშიც ჯამში 2700-ზე მეტი აღსაზრდელია. გრანტის მოცულობამ თითოეულ საბავშვო ბაღზე 10 000 ლარი შეადგინა, რამაც გადაჭრა ისეთი მნიშვნელოვანი პრობლემები, როგორებიც იყო: ღია სათამაშო მოედნების არარსებობა, არასაკმარისი საწოლები ბავშვებისთვის, გაუმართავი სამზარეულო ოთახები, გათბობა და სხვა.

შემაჯამებელ ღონისძიებას საერთაშორისო ორგანიზაციებისა და მთავრობის წარმომადგენლების გარდა, დაესწრნენ დევნილებიც, რომლებმაც თავიანთი სასოფლო-სამეურნეო პროდუქტების გამოფენა-გაყიდვა მოაწყვეს. კობა უგრეხელიძე, შეზღუდული შესაძლებლობის მქონე დევნილი, ხონიდან სპეციალურად ჩამოვიდა დახურვის ღონისძიებაზე დასასწრებად. მას პროგრამის ფარგლებში 2 450 ლარის თანადაფინანსება გადაეცა საფუტკრე მეურნეობის გასაფართოებლად. მიღებული გრანტით 30 ოჯახი ფუტკარი, 150 ჩარჩო, 150 ფიჭა და მეფუტკრის აღჭურვილობა შეიძინა.

დევნილთა დახმარების პროგრამა წარმოადგენდა მესამე ფაზას EU/FAO-ს ინიციატივის, რომელიც საქართველოში 2009 წელს დაიწყო. პირველი ორი ფაზის ფარგლებში 5000-ზე მეტ დევნილს გაეწია ფინანსური დახმარება, რომელმაც საერთო ჯამში 16 მილიონ ლარზე მეტი (5.4 მილიონი ევრო) შეადგინა.

სსსმ და შშმ სტუდენტების მხარდამჭერი მომსახურების მოდელი შეიქმნა

20 თებერვალი, 2019 , 13:20

საქართველოს განათლების, მეცნიერების, კულტურისა და სპორტის სამინისტრომ „ინკლუზიური სწავლების ხელშეწყობის პროგრამის“ ფარგლებში, სპეციალური საგანმანათლებლო საჭიროებისა და შეზღუდული შესაძლებლობების მქონე სტუდენტე

სახლისგზა აბნეულებს ახლა თავგზასაც გვიბნევენ - ქართველი ემიგრანტი

20 თებერვალი, 2019 , 11:55

საფრანგეთში მცხოვრები დიანა ჭანკოტაძე სოციალურ ქსელში ემიგრანტების ტკივილზე წერს: "ხაშურელი ახალგაზრდა ქალი გარდაიცვალა, ემიგრაციაში გული გაუჩერდაო. ორი პატარა შვილი დატოვა, ისე, რომ ვერც კი გამოეთხოვა ბოლო წუთებში. მე ა

განათლების რეფორმის მიმდინარეობის პროცესში სკოლების დირექტორები აქტიურად ჩაერთნენ

20 თებერვალი, 2019 , 11:30

საქართველოს განათლების, მეცნიერების, კულტურისა და სპორტის სამინისტრო, განათლების რეფორმის განხორციელების გეგმებზე დირექტორებთან და მასწავლებლებთან შეხვედრებს განაგრძობს. საქართველოს განათლების, მეცნიერების, კულტურსა და

ვითიბი ბანკის აქცია ავტომობილით უზრუნველყოფილ სესხზე

20 თებერვალი, 2019 , 11:20

ვითიბი ბანკი მომხარებელს სთავაზობს, სწრაფ და მარტივ სესხს, ავტომობილის უზრუნველყოფით. სესხის მიღება შესაძლებელია 30 წუთში და შემოსავლების დადასტურების გარეშე. სესხის მინიმალური თანხა 4 000 ლარია. საპროცენტო განაკვეთი 3%

გაგარინის აღმართზე ერთმანეთს ხუთი ავტომობილი შეეჯახა

20 თებერვალი, 2019 , 10:46

გაგარინის აღმართზე, ვეფხისა და მოყმის ძეგლთან ერთმანეთს ხუთი ავტომობილი შეეჯახა. შემთხვევას მსხვერპლი არ მოჰყოლია. თვითმხილველების ინფორმაციით, გზის საფარი მოყინული იყო და სწორედ ამან გამოიწვია შეჯახება. საქართველოს შინა

სამგორისა და გლდანის რაიონებში წყალმომარაგება დროებით შეიზღუდება

20 თებერვალი, 2019 , 10:10

კომპანია „ჯორჯიან უოთერ ენდ ფაუერი” გამრიცხველიანების პროექტის ფარგლებში სამგორის რაიონში, კამოს ქუჩაზე, 168-ე სკოლის მიმდებარედ, ტექნიკურ სამუშაოებს განახორციელებს. კომპანიის ინფორმაციით, აღნიშნული სამუშაოებ