საზოგადოება

დღეს აუდიტის სამსახური ოთარ ფარცხალაძეს ფინანსურ ინტერესებთან დაკავშირებით შუალედურ დაკსვნას გააგსაჯაროვებს

დღეს, სახელწიფო აუდიტის სამსახური, შუალედურ დასკვნას გაასაჯაროვებს, სადაც საუბარია თბილისის მერიის მიერ მიწების ჩანაცვლების, გადაცემის შესახებ, და რომელშიც, სავარაუდოდ, ყოფილი მთავარი პროკურორის ოთარ ფარცხალაძის ინტერესი იკვეთება.

ამის შესახებ სახელმწიფო აუდიტის სამსახურის უფროსმა ლაშა თორდიამ განაცხადა.

თორდიამ, აუდიტსადმი პროკურატურის მიმართვაზეც ისაუბრა, და აღნიშნა, რომ კორუფციის ფაქტებთან დაკავშირებით პროკურატურამ უნდა ისაუბროს და დაადგინოს იყო თუ არა კორუფციული გარიგება.

„კორუფციასთან დაკავშირებით უნდა ისაუბროს მთავარმა პროკურატურამ. მათი უფლებამოსილება არის დაადგინონ, იყო თუ არა კორუფციული გარიგებები. აუდიტის სამსახური საუბრობს რისკების შემცველ გარემოებებზე. არის საუბარი გარკვეულ პრივილეგირებულ მდგომარეობაში ჩაყენება კონკრეტული პიროვნების, ამ შემთხვევაში, ოთარ ფარცხალაძის. შესაბამისად, ჩვენ ამ რისკებზე დაყრდნობით ვთვლით, რომ აუცილებელი არის დამატებითი შესწავლა მოხდეს სამართალდამცავი უწყებების მიერ“,-აღნიშნა თორდიამ.

მთავარმა პროკურატურამ წერილობით მიმართა სახელმწიფო აუდიტის სამსახურს და მოითხოვა მიმდინარე შემოწმების მასალების გადმოგზავნა.

მონიკა დავლიანიძე