პოლიტიკა

დღეს მომავლის გეგმებზე სასაუბროდ ვიკრიბებით - ზვიად კვაჭანტირაძე

სამომავლო გეგმებზე სასაუბროდ ვიკრიბებით, – ამის შესახებ საპარლამენტო უმრავლესობის წევრმა ზვიად კვაჭანტირაძემ ჟურნალისტებს „ქართული ოცნების“ ცენტრალურ ოფისთან განუცხადა, სადაც უმრავლესობის შეხვედრა იმართება.

„ვერაფერს ვერ გეტყვით იმაზე მეტს, რაც ვიცი. დღეს მომავლის გეგმებზე სასაუბროდ ვიკრიბებით. ამაზე მეტს ნამდვილად ვერაფერს გეტყვით, სანამ სხდომა არ დასრულდება“, – განაცხადა კვაჭანტირაძემ შეხვედრის დაწყებამდე და აღნიშნა, რომ სხვა ინფორმაცია არ აქვს.

რაც შეეხება სამთავრობო ცვლილებების საკითხს, რომელიც წინასწარი ინფორმაციით, შესაძლოა, შეხვედრის მთავარი თემა იყოს, კვაჭანტირაძემ აღნიშნა, რომ სხდომის შემდეგ იტყვის, ხედავს თუ არა სამთავრობო ცვლილებების აუცილებლობას.

ნინო ექვთიმიშვილი