საზოგადოება
დღეს ქრომოსომებს კი აღარ ვითვლით, არამედ დასაქმებაზე ვსაუბრობთ - მაკა ჩიჩუა
დაუნის სინდრომის საერთაშორისო დღესთან დაკავშირებით საქართველოს პირველი ლედი მაკა ჩიჩუა დაესწრო საქართველოს დაუნის სინდრომის ასოციაციის ორგანიზებით გამართულ კონფერენციას „რას ვმატებ ჩემს სამსახურს“, რომელიც მიეძღვნა შეზღუდული შესაძლებლობების მქონე პირთა დასაქმების კუთხით არსებულ გამოწვევებს.
პირველმა ლედიმ დამსწრეებს სიტყვით მიმართა.
„ჩემთვის ძალიან მნიშვნელოვანია, რასაც გარშემო ვხედავ. უკვე ძალიან ბევრნი ვართ. ბევრი ადამიანი ჩაერთო და გამოხატა დაინტერესება.
დღეს ქრომოსომებს კი აღარ ვითვლით, არამედ დასაქმებაზე ვსაუბრობთ და ამ ადამიანების სრულ, თანასწორუფლებიან ინტეგრაციაზე დანარჩენ სამყაროსთან და ჩვენთან.
დღეს მნიშვნელოვანი დღეა. ვღელავ, ვხედავ, რომ ძალიან ბევრი ხალხი მოდის, დიდია დაინტერესება. ასეთი მყარი ნაბიჯებით უნდა ვიაროთ უფრო წინ და შევუერთდეთ ცივილურ სამყაროს. ამ მიმართულებით უკვე ძალიან ბევრია გაკეთებული და ჩვენც უნდა ვიყოთ მოწოდების სიმაღლეზე“,- აღნიშნა ჩიჩუამ.
ღონისძიებაზე ასევე სიტყვით გამოვიდნენ საქართველოს განათლებისა და მეცნიერების მინისტრი მიხეილ ჩხენკელი, სახალხო დამცველი ნინო ლომჯარია, თბილისის მერიისა და დაუნის სინდრომის ასოციაციის წარმომადგენლები.
წელს დაუნის სინდრომის მსოფლიო დღე „რას ვმატებ საზოგადოებას“ სლოგანით აღინიშნება.