ეკონომიკა

დღეს საქართველო-რუსეთის ბიზნეს ფორუმი გაიმართება

დღეს, 8 ნოემბერს, 10:00 საათზე, საქართველოს დამსაქმებელთა ასოციაციის საკონფერენციო დარბაზში საქართველო-რუსეთის ბიზნეს ფორუმი გაიმართება. საქართველოს დამსაქმებელთა ასოციაციის ინფორმაციით, რუსეთის მხრიდან, ფორუმში წარმოდგენილი იქნება ინფრაქტრუქტურის, ენერგეტიკისა და მშენებლობის სექტორში მომუშავე კომპანიები.

,,ფორუმი მიზნად ისახავს ქვეყნებს შორის ეკონომიკური ურთიერთობების გაღრმავებას.

რუსეთიდან წარმოდგენილი კომპანიები დაინტერესებული არიან შესაბამისი ბიზნეს სექტორების წარმომადგენელ ქართულ კომპანიებთან სავაჭრო-ეკონომიკური ურთიერთობების გააქტიურებითა და პარტნიორული ურთიერთობების დამყარებით“, - აცხადებენ საქართველოს დამსაქმებელთა ასოციაციაში.

ბიზნეს ფორუმის ფარგლებში გაიმართება ორმხრივი (B2B) შეხვედრები. ფორუმში მონაწილეობას 80-მდე კომპანია მიიღებს.

მარი ნამგალაძე