საზოგადოება
დღეს წირვის დროს ისეთი მძიმე იყო, მძიმე კი არა, რთული იყო ლოცვა, რომ მეგონა, ვერ შევძლებდი, ბოლომდე მიმეყვანა - კათოლიკოს პატრიარქი
დღეს წირვის დროს ისეთი მძიმე იყო, მძიმე კი არა, რთული იყო ლოცვა, რომ მეგონა, ვერ შევძლებდი, ბოლომდე მიმეყვანა. დიდება უფალს და მადლობა უფალს! მშვიდობით დამთავრდა წირვა და მივიღეთ წმინდა ზიარება, – ამის შესახებ საქართველოს კათოლიკოს-პატრიარქმა, ილია მეორემ სიონის საკათედრო ტაძარში ქადაგებისას აღნიშნა.
ილია მეორემ მრევლს წმინდა ნინოს დღესასწაული მიულოცა.
"დღეს, წირვის დროს, ისეთი მძიმე იყო ლოცვა, მძიმე კი არა, რთული, რომ მეგონა, ვერ შევძლებდი ბოლომდე მიმეტანა. დიდება და მადლობა უფალს, რომ მშვიდობით დამთავრდა წირვა.
წმინდა ნინო არის მოციქულების ლოცვის გამგრძელებლი. წმინდა ნინო არის საოცარი სასწაულთმოქმედი. ჩვენ ყველაფერს გვიკეთებს წმინდა ნინო და ჩვენ ვმადლობთ მას.
წმინდა ნინოს დღესასწაული ორჯერაა წელიწადში, ერთი – ზამთარში და ერთი – ზაფხულში.
„დიდ ხარ შენ, უფალო, და საკვირველ არიან საქმენი შენნი“. დღეს მთელ საქართველოში აღავლენენ ლოცვებს წმინდა ნინოზე, ჯგუფი წამოვიდა წმინდა ნინოს გზაზე, ღმერთმა მშვიდობით მოიყვანოს. წმინდა ნინო განსაკუთრებით მფარველია.
მინდა, გაგახსენოთ შემთხვევა, რომელიც ჩვენს ოჯახში მოხდა. უფროსი ძმა თეიმურაზი იყო ავადმყოფი და იწვა. ოთახში მეტი არავინ არ იყო. ჩემი ძმა იყო მწოლიარე და მე ვიყავი და თეიმურაზი მეუბნება მე: ირაკლი! რა მეთქი? შეხედე ვინ მოვიდა ჩვენთანო; ვინა მეთქი? და წმინდა ნინოო. წმინდა ნინო მოვიდა ჩვენთანო.
წმინდა ნინო განსაკუთრებული მფარველია. მინდა, გიამბოთ ის შემთხვევა, რომელიც ჩვენს ოჯახში მოხდა. უფროსი ძმა თეიმურაზი ავად იყო, სარეცელზე იწვა, ოთახში მეტი არავინ იყო – ჩემი ძმა იწვა და მე ვიყავი. თეიმურაზი მეუბნება: „ირაკლი“. „რა-მეთქი?!“ – „შეხედე, ვინ მოვიდა ჩვენთან!“ – „ვინ-მეთქი?!“ და მპასუხობს: „წმინდა ნინო მოვიდა ჩვენთანო“. ასე რომ, წმინდა ნინო მე მიცნობს და მეც ვიცნობ წმინდა ნინოს.
შეგეწიოთ წმინდა ნინოს ლოცვა-კურთხევა.
სხვა მრავალი შემთხვევაც იყო, როდესაც წმინდა ნინო ხილულად გვეხმარებოდა. და აი, დღეს, როცა ასეთი რთული პირობებია, როცა უჭირს ხალხს, სულიერად უჭირს, სთხოვეთ წმინდა ნინოს: „წმინდაო მოციქულთა სწორო, დედაო ნინო, ევედრე ღმერთსა ჩვენთვის!“
ჩვენთან არს ღმერთი! წმინდა ნინო შეგეწიოთ თქვენ და საქართველოს, ამინ!", - ბრძანა ილია მეორემ.