საზოგადოება

დღეს საქართველოს მთელ ტერიტორიაზე ღრუბლიანობის მომატებაა ნავარაუდევი

საქართველოს მთელ ტერიტორიაზე სინოპტიკოსები დღეისთვის ღრუბლიანობის მომატებას ვარაუდობენ, თუმცა უნალექოდ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში ღრუბლიანობის მომატებაა მოსალოდნელი, უმეტესად უნალექოდ, იქროლებს აღმოსავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +32, +37; მთაში +31, +36; მაღალ მთაში +26, +31 გრადუსი. სანაპირო რაიონებში +31 გრადუსი.

აღმოსავლეთ საქართველოშიც დროგამოშვებით ღრუბლიანობის მომატებაა ნავარაუდები, უმეტესად უნალექოდ. იქროლებს აღმოსავლეთის ქარი 8-13 მეტრი/წამში. ჰაერის ტემპერატურა იქნება: დაბლობში +31, +36; მთაში +30, +35; მაღალ მთაში +22, +27 გრადუსი.

თბილისში დროგამოშვებით ღრუბლიანობა მოიმატებს, უმეტესად უნალექოდ. იქროლებს სამხრეთ-აღმოსავლეთის ქარი 7-12 მეტრი/წამში. ჰაერის ტემპერატურა კი დედაქალაქში +35 გრადუსს მიაღწევს.

მონიკა დავლიანიძე