უკან

უახლესი ამბები

დღის კალენდარი

ანონსები

არქივი

კომენტარი

13 სექტემბერი, 2018 17:35
font-size

დღევანდელ საკანონმდებლო ვაკუუმში მარიხუანას მოხმარების მაქსიმალური გამკაცრება გვჭირდება - მარიამ ჯაში

პარლამენტის განათლების კომიტეტის თავმჯდომარე, მარიამ ჯაში საქართველოში კანაფის პროდუქციის წარმოებისა და ექსპორტზე გატანის წინააღმდეგია.

როგორც მარიამ ჯაშმა ჟურნალისტებთან საუბარში აღნიშნა, მარიხუანას მოხმარებაზე შინაგან საქმეთა სამინისტროს ინიციატივას მხარს უჭერს, თუმცა კანაფის წარმოებასა და ექსპორტში გარკვეულ რისკებს ხედავს.

დეპუტატის თქმით, რისკების გათვალისწინებით, ინიციატივის მხარდაჭერისგან ამ ეტაპზე თავს შეიკავებს.

„შინაგან საქმეთა სამინისტროს ინიციატივის პირველ ნაწილს ვეთანხმები, რადგან დღევანდელ საკანონმდებლო ვაკუუმში მარიხუანას მოხმარების მაქსიმალური გამკაცრება გვჭირდება, როგორც ასაკობრივი შეზღუდვით, ასევე საჯარო სივრცეებთან მიმართებით.

რაც შეეხება კანაფის წარმოებასა და ექსპორტს, ჩვენი რეალობის მქონე ქვეყანაში, განსაკუთრებით ოკუპაციის რეჟიმში, გარკვეულ რისკებს ვხედავ, რასაც დამატებითი კონსულტაციები და განხილვა სჭირდება. ამ რისკების გათვალისწინებით, ინიციატივის მხარდაჭერისგან ამ ეტაპზე თავს ვიკავებ. საზოგადოების კრიტიკული შეფასება გამოწვეული მოულოდნელობისგან იყო, რადგან კანაფის წარმოებასა და ექსპორტზე საუბარი კითხვებს იწვევს. ამაში დარგის სპეციალისტები გარკვეულ რისკებს ხედავენ, რასაც დეტალური განხილვა სჭირდება“, – აცხადებს დეპუტატი.

მისი თქმით, რისკი შეიძლება იყოს როგორც შიდა ბაზარზე არარეგალური ბრუნვის, ასევე ოკუპაციის რეჟიმში ოკუპირებულ ტერიტორიებზე სიტუაციის კონტროლის.

„ოკუპირებულ ტერიტორიებზე სიტუაციას ვერ ვაკონტროლებთ. შესაბამისად, რისკია, ამან დამატებითი კითხვები არ შექმნას. იმ ქვეყნებში, სადაც კანაფის წარმოება სამედიცინო და კვლევითი მიზნებით ხდება, მთლიანი შიდა პროდუქტის მოცულობა ნახევარი პროცენტიდან ერთ პროცენტამდე იზრდება. ეს ეკონომიკური თვალსაზრისით უსაფუძვლო არგუმენტი არ არის, მაგრამ ამ ეტაპზე ძირითადი არგუმენტი ეკონომიკური საკითხია.

ჯანდაცვისა და ეკონომიკის გუნდებთან კონსულტაციები იქნება საჭირო, რადგან შეიძლება კონფლიქტი მივიღოთ. კერძოდ, თუ სამედიცინო თვალსაზრისით კანაფის მწარმოებელი ქვეყანა ვიქნებით, მაშინ ჩვენი მოქალაქეებისთვის რატომ უნდა გვქონდეს ჩაკეტილი ალტერნატიული თერაპია, იგივე ონკოლოგიური პაციენტებისთვის მარიხუანას მოხმარების შესაძლებლობა“, – განაცხადა ჯაშმა.

მარიხუანას მოხმარების რეგულაციებთან დაკავშირებით კანონპროექტი, რომელიც შსს-მ წარადგინა, გუშინ მთავრობის სხდომაზე განიხილეს. შს სამინისტროს ინფორმაციით, კანონპროექტით მარიხუანას მოხმარება მკაცრ სამართლებრივ ჩარჩოში ექცევა. რაც შეეხება კანაფის მოყვანა-წარმოებას სამედიცინო მიზნით ექსპორტზე გასატანად, კანონპროექტის თანახმად, სამედიცინო მიზნით კანაფის მოყვანა-წარმოება ექსპორტისთვის მკაცრ სამართლებრივ ჩარჩოებში მოქცეული ლიცენზირებადი საქმიანობა იქნება, ხოლო ლიცენზიის გაცემაზე და პირობების შესრულებაზე დამოუკიდებელი სააგენტოს მიერ მკაცრი კონტროლი განხორციელდება.

საკვანძო სიტყვები:

ჩვენთვის სახელმძღვანელოა აშშ-ის მთავრობის ოფიციალური პოზიციები - არჩილ თალაკვაძე

20 იანვარი, 2020 , 12:45

საქართველოს პარლამენტის თავმჯდომარის, არჩილ თალაკვაძის განცხადებით, აშშ-ის კონგრესის რესპუბლიკელი წევრის, მარკუეინ მალინის წერილი კომპანია „ფრონტერასთან“ დაკავშირებულ დავას ეხება. თალაკვაძ

ივანიშვილს ქვეყნის პრემიერმინისტრობას კონსტიტუცია უკრძალავს

18 იანვარი, 2020 , 17:30

ბიძინა ივანიშვილს ქვეყნის პრემიერ-მინისტრის პოსტის დაკავებას კონსტიტუცია უკრძალავს. მეორედ მოსვლას ივანიშვილი იმ შემთხვევაში შეძლებს, თუ საფრანგეთის მოქალაქეობაზე უარს იტყვის. კონსტიტუციის 25-ე მუხლის თანახმად, საქართველ

ირაკლი შოთაძის პროკურატურაში დაბრუნება აგონიაში მყოფი ხელისუფლების ნიშანია - გიგა ბოკერია

17 იანვარი, 2020 , 16:31

„ევროპული საქართველოს“ წევრის გიგა ბოკერიას განცხადებით, ირაკლი შოთაძის კანდიდატურის გენერალური პროკურორის თანამდებობაზე წარდგენა საზოგადოების მიმართ უპატივცემულობის მაგალითი და კიდევ ერთი ნიშანია იმისა, რომ

სამწუხაროდ, იმის მაგივრად, რომ სხვადასხვა სახის კვლევები გახდეს გარკვეული დასკვნების და ანალიზის საფუძველი, ჩვეულებრივად პოლიტიკური პროცესის ნაწილი გახდა - გიორგი გახარია

17 იანვარი, 2020 , 15:25

გულწრფელად ვამბობ, სამწუხაროდ, იმის მაგივრად, რომ სხვადასხვა სახის კვლევები გახდეს გარკვეული დასკვნების და ანალიზის საფუძველი, ეს ჩვეულებრივად პოლიტიკური პროცესის ნაწილი გახდა, - ასე უპასუხა საქართველოს პრემიერ-მინისტრმა

გიორგი გახარია მთავრობაში საკადრო ცვლილებებზე - მაინცდამაინც დაგასპოილეროთ? დაელოდეთ ფინალურ სერიას

17 იანვარი, 2020 , 14:41

ნუ ჩქარობთ, დაველოდოთ ფინალს და ვნახოთ, - ასე უპასუხა საქართველოს პრემიერ-მინისტრმა გიორგი გახარიამ ჟურნალისტების კითხვას, იგეგმება თუ არა მთავრობის მეთაურის ცვლილება. „ისე დაჟინებით მეკითხებით, მაინცდამაინც გინდათ

გიგი უგულავა - ეს არის მორიგი ცინიზმი ივანიშვილის მხრიდან, ირაკლი შოთაძის დაბრუნება ნიშნავს ოთარ ფარცხალაძის რეანიმაციას

16 იანვარი, 2020 , 16:07

ესაა მორიგი ცინიზმი ბიძინა ივანიშვილის მხრიდან. შოთაძის დაბრუნება ნიშნავს ფარცხალაძის რეანიმაციას, ყველაფერი უკანონობის რესტავრაციას, რის გამოც საზოგადოებამ აიძულა შოთაძე გადამდგარიყო,- ასე ეხმაურება„ევროპული საქარ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`