უახლესი ამბები
არქივი
სამართალი
დღევანდელი აღკვეთის ღონისძიება არ არის ამ საქმის დასასრული, ეს არ არის განაჩენი - ნათია მეზვრიშვილი დავით კირკიტაძის საქმეზე
შს მინისტრის მოადგილის, ნათია მეზვრიშვილის განცხადებით, „ნაციონალური მოძრაობის“ წევრ დავით კირკიტაძეს ბრალი ედება კონკრეტულ დანაშაულში.
„კადრები საზოგადოებამ კარგად იხილა. დღევანდელი აღკვეთის ღონისძიება არ არის დასასრული ამ საქმის, ეს არ არის განაჩენი. როგორც ჩემთვის ცნობილია, დავით კირკიტაძის მიმართ პატიმრობის გამოყენების კონკრეტული საფუძვლები არსებობდა და ამ საფუძვლებით შეეფარდა პატიმრობა", - განაცხადა მეზვრიშვილმა.
გურჯაანის რაიონულმა სასამართლომ „ნაციონალური მოძრაობის“ წევრ დავით კირკიტაძეს აღკვეთის ღონისძიების სახით პატიმრობა შეუფარდა.
დავით კირკიტაძე ველისციხეში 16 დეკემბერს მომხდარი დაპირისპირების დროს, პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის სისხლის სამართლის კოდექსის 353-ე პრიმა მუხლით, მოსამართლის განჩინებით დააკავეს.