საზოგადოება

რამდენი არის დოლარის დღევანდელი კურსი

ლარი კვლავ განაგრძობს გამყარებას დოლართან მიმართებაში. 17 მაისის მონაცემებით, 1 დოლარის ყიდვას შეძლებთ 2.58 ლარით. დაახლოებით 3 თვის წინ, 1 დოლარის ფასი 2.74 ლარი იყო.

დოლარის მიმდინარე კურსის და მისი ისტორიის შემოწმება ლართან მიმართებაში შეგიძლიათ dolaris kursi-ის საიტზე.

შექმნილი ვითარების ფონზე, მოლოდინი არის, რომ ლარი კვლავ გამყარდება დოლართან მიმართებაში, რადგან ზაფხულის პერიოდი მოდის და ტურისტული ნაკადები კიდევ უფრო გაიზრდება. ამ დროს, წინა წლების მონაცემების გათვალისწინებით, ლარი უფრო მყარდება ხოლმე.

ეროვნული ვალუტის გამყარება და სტაბილურობა ძალიან მნიშვნელოვანია ქვეყნის ეკონომიკისთვის. ამ დროს, მოსახლეობაში იზრდება მსყიდველთუნარიანობა, რაც ქმნის მოთხოვნას პროდუქტებზე. შესაბამისად, ბიზნესის კეთების კუთხითაც უფრო მიმზიდველი ხდება ბაზარი. ეს უკანასკნელი კი ხელს უწყობს როგორც ადგილობრივი ბიზნესების გააქტიურებას, ასევე უცხოელი ინვესტორების შემოსვლას ქვეყანაში.

ლარის ღირებულება წლების განმავლობაში მერყეობდა. გარკვეული პერიოდის განმავლობაში მკვეთრად გაუფასურდა პოლიტიკური არასტაბილურობისა და ეკონომიკური გამოწვევების გამო. თუმცა, ბოლო წლებში ლარი ზოგადად სტაბილურია და დოლართან და ევროსთან მიმართებაშიც გამყარდა.

ლარის გამოცემაზე და რეგულირებაზე პასუხისმგებელია საქართველოს ეროვნული ბანკი. მან გაატარა სპეციალური პოლიტიკა ფასების სტაბილურობის ხელშესაწყობად და დაბალი ინფლაციის შესანარჩუნებლად, რამაც გავლენა მოახდინა ლარის ღირებულებაზე ბოლო წლებში.