რეგიონები

მე განვაგრძობ მუშაობას თქვენი კეთილდღეობისთვის - ზურა ხაჩიძე

"საქართველოს პატრიოტთა ალიანსის" მაჟორიტარობის კანდიდატი ზურა ხაჩიძე სოფელი ზანავის მოსახლეობას შეხვდა.

"მე ვიქნები თქვენი ინტერესების დამცველი პარლამენტში, ჩვენი პარტიისთვის და ჩემთვის პრიორიტეტი ხალხზე ზრუნვა და თქვენი პირობების გაუმჯობესებაა. მე ვიცი ყველა თქვენგანის პრობლემა, ახალგაზრდები რომ სოფელში დაუსაქმებელია, სანიაღვრე და კანალიზაციის ქსელიც რომ მოუწესრიგებელია.

მინდა გითხრათ რომ განვითარებული ინფრასტრუქტურული თუ საგანმანათლებლო პროექტები, რომელსაც მე ჩემს გუნდთან ერთად ვამუშავებ, ჩვენი რაიონის პროგრესის წინაპირობაა. სწორედ ამიტომ არ მინდა ვილაპარაკო წარსულ და მოქმედ პოლიტიკურ ძალებზე, მათ წარმატრბებსა თუ წარუმატებლობებზე.

მე განვაგრძობ მუშაობას თქვენი კეთილდღეობისთვის. ჩვენი პარტიის და უშუალოდ ჩემს მიერ შემოთავაზებული ინიციატივების მხარდაჭერის შემთხვევაში თითოეული თქვენთაგანი გახდება ცვლილებების მომსწრე",- განაცხადა ზურა ხაჩიძემ სოფელ ზანავში შეკრებილ ამომრჩევლებთან შეხვედრისას.