მოზაიკა

ფართოდ გავრცელებული ორთოპედიული ტრავმები

ძვლოვანი ჩონჩხი სხეულის საყრდენია და მისი ფორმის შენარჩუნებას უზრუნველყოფს. სხეულის ამ უმნიშვნელოვანეს ნაწილს შეიძლება საფრთხე დაემუქროს გარკვეული მიზეზით გამოწვეული ტრავმების გამო. ყველაზე ფართოდ გავრცელებული ორთოპედიული ტრავმებია სხეულის სხვადასხვა ნაწილის მოტეხილობა, ღრძობა ან დაჭიმვა:

-ხელის ტრავმა - შეიძლება უკავშირდებოდეს მხრის ან მაჯის ამოვარდნას, მსუბუქი ტრავმის დროს მყესის დაჭიმვას, ნაღრძობ სახსარს და სხვა. მსგავსი დაზიანების შემთხვევაში, რეკომენდირებულია გარკვეული პერიოდით კიდურის დაფიქსირება;

-ფეხის ღრძობა - სახსრის იოგოვანი აპარატის დაჭიმვას, ან ნაწილობრივ გაგლეჯას გულისხმობს. მსგავსი ორთოპედიული ტრავმა ხშირია სპორტსმენებში, სირბილისა და სწრაფი მოძრაობისას. ნაღრძობი ფეხის მკურნალობა თაბაშირის დადებით ან ფიქსატორის გამოყენებით შეიძლება.

თითის მოტეხილობის დროს ეფექტურია თითის ფიქსატორის ტარება, რაც გამოიყენება ნერვული ქსოვილის დაზიანების, ამოვარდნის და სხვა ტიპის ტრავმის დროს.

რა შეიძლება გამოიწვიოს ორთოპედიულმა ტრავმამ?

ორთოპედიული ტრავმა ხშირად შეშუპების, ანთების განვითარების და ტკივილის გამომწვევი მიზეზი ხდება. თუ პაციენტი, პროფესიონალი ორთოპედის მეთვალყურეობით დროულ მკურნალობას არ დაიწყებს, შესაძლოა მოტეხილობის დროს მოხდეს ძვლის არასწორი შეხორცება და სხვა თანმდევი გართულებები. რენტგენოლოგიური გამოკვლევა ნებისმიერ შემთხვევაში აუცილებელია, რათა დადასტურდეს დიაგნოზი და გაირკვეს მოტეხილობის ტიპი. ტრავმის დროს ხშირია შემდეგი სიმპტომები:

-ხრაშუნი/ტკაცუნი (კრეპიტაცია);

-ტკივილი შეხების გადაადგილების, ზეწოლის დროს;

-დაზიანებულ ადგილას წარმოქმნილი ჰემატომა, ან სირბილე;

-დაზიანებული ნაწილის დეფორმაცია;

როდის უნდა მიმართო ექიმს?

თუ მიიღე ტრავმა სხეულის ნებისმიერ მიდამოში და გიგრძელდება ტკივილი, ან შეზღუდული გაქვს მოძრაობა, აუცილებლად უნდა მიმართოთ ექიმს.

REDMD-ი ციფრული სამედიცინო პლატფორმაა, რომლის საშუალებით პროფესიონალ ტრავმატოლოგთან ონლაინ კონსულტაცია, შენთვის მოსახერხებელ დროს შეგიძლია. აუდიო და ვიდეო კონსულტაციის საშუალებით დაზოგავ დროს, თავიდან აირიდებ კლინიკების რიგში დგომას და სწორ მკურნალობას დროულად დაიწყებ. საქართველოში და საზღვარგარეთ მოღვაწე ცნობილი ქართველი ტრავმატოლოგები შენს ნებისმიერ შეკითხვას გასცემენ პასუხს და მკურნალობის შესახებ სწორ რეკომენდაციებს მოგცემენ.

გადმოწერე აპი და მარტივად მიიღე ყველა სამედიცინო სერვისი ერთ სივრცეში.