უკან

უახლესი ამბები

დღის კალენდარი

ანონსები

არქივი

საზოგადოება

20 აპრილი, 2018 11:50
font-size

დიდ დიღომში ახალი უნივერსალური მინი ქალაქი აშენდება

დიდ დიღომში ახალი უნივერსალური მინი ქალაქი აშენდება.

პროექტი, რომლის ფარგლებშიც 40 საცხოვრებელი კორპუსის, ასევე კომერციული და გასართობი ცენტრების მშენებლობა იგეგმება ,,ომეგა ჯგუფს“ ეკუთვნის.

ახალ ქალაქში 5000 ოჯახი იცხოვრებს, გარემო კი მაქსიმალურად იქნება მორგებული მათ საჭიროებებსა და ბიზნეს ინტერესებზე.

უნიკალური პროექტის ავტორი ბრიტანელი სპეციალისტია, რომელიც გასულ წელს გაერთიანებულ სამეფოში საუკეთესო ქალ არქიტექტორად დასახელდა. მშენებლობა 400 მილიონი ლარის ბრიტანულ-ქართული ინვესტიციით განხორციელდება. პროექტი ამ ეტაპზე მერიაშია გაგზავნილი. ინიციატორები მშენებლობის ნებართვას ელოდებიან.

"Omega home" ასობით ახალ სამუშაო ადგილს შექმნის, როგორც პროექტის განხორციელების ეტაპზე, ასევე მისი ამოქმედების შემდეგ.

ტერიტორიის დაახლოებით 60% გამოყოფილი იქნება საცხოვრებელი კომპლექსისთვის, ხოლო 40% დაეთმობა კომერციულ ფართებს, რეკრეაციულ ზონას და გასართობ ცენტრებს. ჯამში 160 ათასი კვადრატულ მეტრ ტერიტორიაზეა საუბარი, რომელზეც გასართობი ცენტრების და სავაჭრო კომერციული ფართების გარდა 40 საცხოვრებელი კორპუსი აშენდება.

,,ომეგა ჯგუფის“ მენეჯერები რამდენიმე ძირითად უპირატესობას გამოყოფენ, რის გამოც პროექტი თბილისის მცხოვრებლებისთვის მიმზიდველი იქნება.

,,თბილისი მოგეხსენებათ, იმყოფება სეისმურად აქტიურ ზონაში, მაგრამ აქ მშენებლობისას ყველა ადგილობრივი თუ საერთაშორისო სტანდარტი და მოთხოვნა იქნება გათვალისწინებული და დაცული, რათა ამ ქალაქში აშენებული ყველა კორპუსი იყოს აბსოლუტურად უსაფრთხო.

მაღალ სართულზე მცხოვრები მოსახლეობისთვის კიდევ დამატებითი უპირატესობა იქნება ის, რომ მათ თვალწინ გაიშლება თბილისის საკმაოდ ლამაზი ხედები.

კორპუსების სახურავებზეც მოეწყობა გამწვანებული ზონები და ესთეტიური თვალსაზრისითაც იქნება უფრო კარგი.

ეს მინი ქალაქი იქნება თბილისის ეკოლოგიურად ყველაზე სუფთა ადგილას“, - აცხადებს ,,ომეგა ჯგუფის“ გენერალური მენეჯერი, ლევან აღდგომელაშვილი.

პროექტი, რომელიც ჯერ თბილისში არ უნახავთ, უკვე მოწონებულია ლონდონში. დიდ ბრიტანეთში კარგად იცნობენ არქიტექტორსაც, რომელმაც ,,ომეგა ჯგუფის“ დაკვეთით ,,მინი ქალაქი“ დააპროექტა.

სიმონ დეგალი გაერთიანებულ სამეფოში მიმდინარე წელს საუკეთესო ქალ არქიტექტორად დასახელდა. ბრიტანული არქიტექტურის სამეფო ინსტიტუტი - ეს იყო სივრცე, სადაც დიდ დიღომში ასაშანებელი ,,მინი ქალაქის“ პრეზენტაცია გაიმართა.

სფეროს ყველაზე პრესქტიჟულ ღონისძიებაზე სულ სამი პროექტი წარადგინეს. ამ სამიდან ერთი მომხსენებელი კი სიმონ დეგალი იყო.

,,ჩვენი მიზანი იყო, შეგვექმნა ამ პროექტის ისეთი კონცეფცია, რომელიც შერეული ტიპის დეველოპმენტის ფარგლებში, მაქსიმალურად უზრუნველყოფდა საცხოვრებელ პირობებს. იდეის განვითარების მიზნით, ჩვენ ჩავედით საქართველოში, მოვინახულეთ მუზეუმები და თბილისის არქიტექტურა. შემდეგ შევისწავლე მსოფლიოში არსებული მსგავსი პროექტების მაგალითები, როგორც არის ნიუ-იორკში, სან-ფრანცისკოსა და ბარსელონაში. საბოლოოდ, შევჯერდით ისეთ კონცეფციაზე, სადაც იქნება სახასიათო და უნიკალური სტილი.

ჩვენი კლიენტი საქართველოში ერთ-ერთი უმსხვილესი მწარმოებელია. ჩემზე დიდი შთაბეჭდილება მოახდინა ,,ომეგა ჯგუფის“ საწარმოების დათვალიერებამ, სადაც განსაკუთრებულ ყურადღებას უთმობენ წესრიგს, სისუფთავეს, განლაგებას. სწორედ ამიტომ, მინდოდ, შემექმნა იმ კომპანიისთვის შესაფერისი სტილის და სტანდარტების პროექტი“, - განაცხადა სიმონ დეგალმა ღონისძიებაზე სიტყვით გამოსვლისას.

ბრიტანეთის არქიტექტურის სამეფო ინსტიტუტში გამართულ ღონისძიებაზე საპატიო სტუმრებს შორის იყო ,,ომეგა ჯგუფის“ დამფუძნებელი, ზაზა ოქუაშვილი. მან თავის სიტყვაში აღნიშნა, რომ დაგეგმილი პროექტი ქართულ და ბრიტანულ მხარეებს შორის თანამშრომლობის კიდევ ერთი საუკეთესო მაგალითია.

,,მადლობელი ვარ აქ მოწვევისთვის. მრავლისმომცემი ღონისძიება იყო და ჩემთვის მნიშვნელოვანი გამოცდილებაც მივიღე. ეს არის შესანიშნავი შესაძლებლობა ყველა პროფესიონალისთვის, როგორც ბიზნესმენისთვის, ასევე საჯარო სექსტორის წარმომადგენლებისთვის.

მე ვამაყობ, რომ ,,ომეგ ა ჯგუფთან“ თანამშრომლობს საკმაოდ ცნობილი ბრიტანელი არქიტექტორი. მან არაჩვეულებრივი პროექტი შემოგვთავაზა, გათვლილი ჩვენს ქვეყანასა და ჩვენს დედაქალაქზე. თავის მხრივ, ეს არის თანამშრომლობა ბრიტანულ და ქართულ მხარეებს შორის და ჩვენი მიზანია, შევინარჩუნოთ ეს მდგრადობა საუკეთესო შედეგების მისაღწევად. ჩვენს გუნდში დარწმუნებულები ვართ, რომ საუკეთესო შედეგებს დავდებთ. რეალურად ეს არის შესანიშნავი და მასშტაბური პროექტი, რომელიც 3000 სახლს მოიცავს და ათასობით დასაქმების ადგილს შექმნის“, - განაცხადა ზაზა ოქუაშვილმა.

თბილისში დაგეგმილი უნიკალური პროექტის მშენებლობას მაღალ შეფასებას აძლევს ბრიტანეთის ყოფილი ელჩი საქართველოში დონალდ მაკლარენი.

,,როდესაც მე ვიყავი ბრიტანეთის ელჩი საქართველოში, მაშინ დიდი დიღომი არ იყო პოპულარული ადგილი, ახლა კი, ის ვითარდება. ვფიქრობ, სიმონ დეგალმა ნათლად წარმოაჩინა, თუ როგორ შეიძლება მასშტაბური პროექტის ხორცშესხმა და ეს არ ნიშნავს მხოლოდ აგურების ერთმანეთზე დადებას. მისი მთავარი ფოკუსი არის ხალხზე. მისი იდეა მთლიანად ადამიანის მოთხოვნებზეა გათვლილი. მან გააერთიანა საცხოვრებელი სივრცე ბიზნესთან, გაითვალისწინა ის, თუ როგორ იცხოვრებს იქ ხალხი, როგორ გაზრდიან ბავშვებს და რით იქნებიან ოჯახები უზრუნველყოფილნი. ეს პროექტი იმდენად ამომწურავია, რომ აღფრთოვანებული ვარ“, - განაცხადა დონალ მაკლარენმა.

ახალი ქალაქი, რომელიც დიდ დიღომში აშენდება, ყველა კატეგორიის მომხმარებლის მოთხოვნას დააკმაყოფილებს. ,,ომეგა ჯგუფი“ მათ შესთავაზებს განსხვავებული მოცულობის და ფასის საცხოვრებელ და კომერციულ სივრცეებს. ადგილზე ,,ომეგა ჯგუფმა“ უკვე განახორციელა 30 მილიონი ლარის ინვესტიცია. სამომავლოდ დაგეგმილი ინვესტიციის ღირებულება 400 მილიონი ლარია.

„ჯორჯიან ეარვესი“ ამსტერდამისა და თელ-ავივის მიმართულებით ჩარტერულ რეისებს შეასრულებს

27 მაისი, 2020 , 16:50

მიმდინარე წლის ივნისში ქართული ავიაკომპანია „ჯორჯიან ეარვეისი“ (Georgian Airways) ამსტერდამისა და თელ-ავივის მიმართულებით ჩარტერულ რეისებს შესრულებს. ამის შესახებ ინფორმაციას სამოქალაქო ავიაციის სააგენტო ავრც

აღსრულების ეროვნული ბიურო გაიხსნა

27 მაისი, 2020 , 16:40

აღსრულების ეროვნული ბიურო გაიხსნა. როგორც აღსრულების ბიუროში აცხადებენ, აუცილებელია ვიზიტის წინასწარი დაჯავშნა მოქალაქეთა პორტალზე my.gov.ge. „დაჯავშნისთვის საჭიროა: ეწვიოთ პორტალს; აირჩიოთ კატეგორია – იუსტიც

სწრაფმა ტესტირებამ, განსაკუთრებით საწყის ეტაპზე, ჩვენზე ბევრად ძლიერი ქვეყნები შეიყვანა შეცდომაში - გიორგი გახარია

27 მაისი, 2020 , 16:18

უამრავი ქვეყნის მაგალითმა აჩვენა რომ სწრაფმა ტესტირებამ, განსაკუთრებით საწყის ეტაპზე ჩვენზე ბევრად ძლიერი ქვეყნები შეიყვანა შეცდომაში, როდესაც ტესტების სიზუსტის ალბათობის პროცენტი იყო საკმაოდ დაბალი, - ამის შესახებ საქარ

საქართველო ვერც ერთ დამატებით ხარჯს, დამატებით დახმარებას ვერ გასწევს, თუ ეკონომიკა არ იქნა დაბალანსებული - გიორგი გახარია

27 მაისი, 2020 , 15:50

აბსოლუტურად გააზრებულად იყო გაკეთებული, რომ ჩვენ მოქალაქეთა დახმარება ვადაში გავჭიმეთ ექვსი თვით. მესმის, რომ ეს არ არის საკმარისი, მაგრამ ეს არის მინიმუმი, რათა ელემენტარული მდგრადობა იყოს მათ ყოველდღიურ გასავლებში, &nd

საქართველოს ბანკმა მომხმარებლისათვის „ჩატის“ ფუნქცია დანერგა

27 მაისი, 2020 , 15:50

საქართველოს ბანკმა მომხმარებლისათვის კიდევ უფრო მეტი კომფორტის შექმნის მიზნით ციფრულ არხებში ჩატის ფუნქცია დანერგა. ამიერიდან მობილბანკში, ინტერნეტბანკსა თუ საქართველოს ბანკის ვებგვერდზე მომხმარებელს 24/7 რეჟიმში შეუძლია

„თბილისის მიკროავტობუსი“ თბილისში საზოგადოებრივი ტრანსპორტის აღდგენის საკითხზე განცხადება ავრცელებს

27 მაისი, 2020 , 15:28

„თბილისის მიკროავტობუსმა“ თბილისში საზოგადოებრივი ტრანსპორტის აღდგენის საკითხზე განცხადება გაავრცელა. როგორც განცხადებაშია ნათქვამი, 29 მაისიდან სრულად აღდგება კომპანიის დაქვემდებარებაში არსებული ავტოსატრანსპ