უკან

უახლესი ამბები

დღის კალენდარი

ანონსები

არქივი

მსოფლიო

8 თებერვალი, 2018 16:55
font-size

დიდად არ ვისურვებდი მიხეილ სააკაშვილის გაშვებას ქართულ ციხეში - იური ლუცენკო

უკრაინის გენერალურმა პროკურორმა, იური ლუცენკომ საქართველოს მთავარი პროკურატურის წარმომადგენლებთან შეხვედრის დეტალები გაიხსენა, რომელიც სააკაშვილის საქართველოში ექსტრადიციას ეხებოდა.

ლუცენკოს თქმით, თუკი სააპელაციო სასამართლო საქართველოს ყოფილ პრეზიდენტს უარს ეტყვის პოლიტიკური თავშესაფრის მინიჭებაზე, სააკაშვილს სამი ვარიანტი რჩება.

„თუკი სასამართლო აღიარებს, რომ მას უკრაინაში პოლიტიკური თავშესაფრის მიღების უფლება არ აქვს, მისთვის რამდენიმე შესაძლებლობა გამოჩნდება. პირველი, ნებაყოფლობითი დაბრუნება მის მიერ არჩეულ ნებისმიერ ქვეყანაში, მაგალითად, ნიდერლანდებში, სადაც მისი ოჯახი ცხოვრობს... ნიდერლანდებმა დაადასტურეს მზადყოფნა, მიიღონ სააკაშვილი ოჯახის გაერთიანების (Family Union) პროცედურის მიხედვით. მეორე ვარიანტი - ნებაყოფლობითი ან იძულებითი დეპორტაცია მის მიერ არჩეულ ერთ-ერთ ქვეყანაში, ან ქვეყანაში, რომლიდანაც მან უკანონოდ გადაკვეთა უკრაინის საზღვარი, ანუ პოლონეთში. ასევე არის ექსტრადიცია საქართველოს გენერალური პროკურატურის მოთხოვნით“, - უთხრა ლუცენკომ უკრაინულ ТСН.uа-ს.

ლუცენკომ დააზუსტა, რომ სააკაშვილის საქართველოში დეპორტირებისთვის საჭირო გახდება კიდევ რამდენიმე სასამართლო პროცედურა.

„ამისთვის [საქართველოში დეპორტირებისთვის] საჭიროა კიდევ რამდენიმე გრძელი სასამართლო პროცედურის გავლა. თუმცა ჩვენ ამ გზით მივდივართ, რადგან უკრაინამ ხელი მოაწერა შესაბამის საერთაშორისო ვალდებულებას, მათ შორის საქართველოს წინაშეც. კარგი, ასე ვიტყვი. ჩემთვის ყველაზე რთული იქნებოდა ბოლო გადაწყვეტილება, რადგან სააკაშვილის ექსტრადიცია საქართველოში მის 100%-იან დაპატიმრებას ნიშნავს“, -თქვა ლუცენკომ ინტერვიუში.

მან ასევე დაამატა, რომ სააკაშვილს არ გაუშვებდა ქართულ ციხეში.

„სიმართლე გითხრათ, დიდად არ ვისურვებდი მის გაშვებას ქართულ ციხეში“, - თქვა უკრაინის გენპროკურორმა.

ანა მებურიშვილი

ჯო ბაიდენის გუნდს ხელისუფლების გადაბარების დაწყება შეუძლია

24 ნოემბერი, 2020 , 11:05

ამერიკის შეერთებული შტატების გენერალური სერვისების ადმინისტრაციამ ქვეყნის არჩეულ პრეზიდენტს, ჯო ბაიდენს აცნობა, რომ სააგენტო მას არჩევნებში გამარჯვებულად მიიჩნევს და ბაიდენის გუნდს შეუძლია, ხელისუფლების გადაბარების პროცე

სერბეთის პატრიარქი კორონოვირუსით გარდაიცვალა

20 ნოემბერი, 2020 , 13:15

სერბეთის პატრიარქი ირინეოსი კორონოვირუსით გარდაიცვალა. ამის შესახებ ინფორმაცია სერბეთის პრეზიდენტმა ალექსანდრ ვუჩიჩმა ინსტაგრამის გვერდზე გაავრცელა. „ჩემთვის პატივი იყო რომ გიცნობიდით. ისეთი ადამიანები, როგორიც თქვ

კორონავირუსის გამო სიღარიბის ზღვარს მიღმა 130 მილიონი ადამიანი აღმოჩნდება - გაერო

20 ნოემბერი, 2020 , 11:25

გაერო-ს პროგნოზით, კორონავირუსის გამო სიღარიბის ზღვარს მიღმა 130 მილიონი ადამიანი აღმოჩნდება. ამის შესახებ ნათქვამია ანგარიშში, რომელიც გაერო-ს ვაჭრობისა და განვითარების კონფერენციამ მოამზადა. დოკუმენტის მიხედვ

თურქეთი: კორონავირუსის 3 316 ახალი შემთხვევა, 94 გარდაცვლილი პაციენტი

17 ნოემბერი, 2020 , 14:20

თურქეთში გასული დღე-ღამის განმავლობაში „კოვიდ-19“-ის 3 316 ახალი შემთხვევა გამოვლინდა და ვირუსით 94 ადამიანი დაიღუპა. თურქეთის ჯანდაცვის სამინისტროს ინფორმაციით, ამ დროისთვის ქვეყნის მაშტაბით 3 610 პაციენტი კ

სომხეთი: კორონავირუსის 984 ახალი შემთხვევა, 23 გარდაცვლილი პაციენტი

17 ნოემბერი, 2020 , 13:00

გასული დღე-ღამის განმავლობაში სომხეთში „კოვიდ-19“-ის 984 ახალი შემთხვევა გამოვლინდა, კორონავირუსით გარდაიცვალა 23 ადამიანი. ამ დროისთვის ქვეყნის მაშტაბით 38 253 კოვიდინფიცირებული მკურნალობს. პანდემიის გავრცელ

რუსეთი: კორონავირუსის 22 410 ახალი შემთხვევა, 442 გარდაცვლილი პაციენტი

17 ნოემბერი, 2020 , 13:00

რუსეთში გასული 24 საათის განმავლობაში კორონავირუსის 22 410 ახალი შემთხვევა გამოვლინდა. გასულ დღე-ღამეში ვირუსს 442 ადამიანი ემსხვერპლა. ამასთან, ქვეყანაში დღეისთვის 461 ათასზე მეტი აქტიური შემთხვევაა გამოვლენილი. სულ კი