უკან

უახლესი ამბები

დღის კალენდარი

ანონსები

არქივი

სამართალი

15 ივნისი, 2019 11:35
font-size

დიდი ოდენობით თანხის თაღლითურად დაუფლებასა და უკანონო შემოსავლის ლეგალიზაციაში ბრალდებულ თურქეთის მოქალაქეს 10 წლით პატიმრობა მიესაჯა

დიდი ოდენობით თანხის თაღლითურად დაუფლებასა და უკანონო შემოსავლის ლეგალიზაციაში ბრალდებულ თურქეთის მოქალაქეს 10 წლით თავისუფლების აღკვეთა მიესაჯა. ამის შესახებ ინფორმაციას გენერალური პროკურატურა ავრცელებს.

მათი ცნობით, თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ორგანიზებული ჯგუფის მიერ, ყალბი ოფიციალური დოკუმენტების გამოყენებით დიდი ოდენობით თანხის თაღლითურად დაუფლების მცდელობის, თაღლითურად დაუფლების და უკანონო შემოსავლის ლეგალიზაციის ჩადენის ფაქტებზე, ორგანიზებული ჯგუფის ერთ-ერთი ორგანიზატორი, თურქეთის რესპუბლიკის მოქალაქე ა.დ. დამნაშავედ ცნო.

„სასამართლო პროცესზე გამოკვლეული მტკიცებულებებით დადგინდა, რომ თურქეთის რესპუბლიკის მოქალაქეებმა ფინანსური და სხვა მატერიალური სარგებლის უკანონოდ მიღების მიზნით ორგანიზებული ჯგუფი ჩამოაყალიბეს. ჯგუფის მიზანს საქართველოში არსებული საბანკო ანგარიშების გამოყენებით, უცხოეთის მოქალაქეების კუთვნილი, დიდი ოდენობით თანხის მოტყუებით დაუფლება, ხოლო შემდგომ უკანონოდ მიღებული დიდი ოდენობით თანხისთვის კანონიერი სახის მიცემა წარმოადგენდა. ასევე, საქართველოს ფარგლებს გარეთ არსებული დაუსაბუთებელი თანხის ყალბი დოკუმენტების საფუძველზე, საქართველოში ეროვნული ბანკის მიერ ლიცენზირებული საბანკო დაწესებულებებში არსებულ ანგარიშებზე აკუმულირება, კანონიერი სახის მიცემის მიზნით თანხის დანაწევრება და სწრაფი ფულადი გზავნილების სისტემით, მრავალჯერადი ტრანზაქციებით მათ მიერ კონტროლირებად ანგარიშებზე გადატანა. აღნიშნული სქემის მიხედვით, ორგანიზებული ჯგუფის წევრებმა ერთ-ერთი კომერციული ბანკის სუბ აგენტის, შპს „ზაზა გრუპისა“ და მსჯავრდებულების პირადი ანგარიშების გამოყენებით, 2015 წლის ნოემბრიდან - 2017 წლის მარტის ჩათვლით, დაუსაბუთებელი და თაღლითურად მოპოვებული დაახლოებით 1 209 233,88 აშშ დოლარისა და 1 044 096.05 ევროს შემოსავლის ლეგალიზაცია მოახდინეს.

ა.დ.-ს ბრალდება 2017 წლის 17 მაისს, საქართველოს სისხლის სამართლის კოდექსის 180-ე მუხლის მესამე ნაწილის „ბ“ და მეოთხე ნაწილის „ა“ ქვეპუნქტით, 194-ე მუხლის მესამე ნაწილის „ა“ და „გ“ ქვეპუნქტებით, 362-ე მუხლის პირველი ნაწილით და 19-180-ე მუხლის მესამე ნაწილის „ბ“ და მეოთხე ნაწილის „ა“ ქვეპუნქტით (ორგანიზებული ჯგუფის მიერ, ყალბი ოფიციალური დოკუმენტების გამოყენებით დიდი ოდენობით თანხის თაღლითურად დაუფლება და უკანონო შემოსავლის ლეგალიზაცია) წარედგინა და აღკვეთის ღონისძიების სახით პატიმრობა შეეფარდა.

თბილისის საქალაქო სასამართლომ ა.დ. დამნაშავედ ცნო წარდგენილ ბრალდებაში და სასჯელის სახედ და ზომად 10 წლით თავისუფლების აღკვეთა განუსაზღვრა. ამავე განაჩენით, სასამართლომ ასევე დანაშაულებრივი გზით მოპოვებული ქონების, ხუთი საცხოვრებელი ბინის სახელმწიფოს სასარგებლოდ კონფისკაცია მოახდინა“, - აღნიშნულია პროკურატურის მიერ გავრცელებულ ინფორმაციაში.

განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ორი ფაქტი გამოვლინდა

14 ნოემბერი, 2019 , 11:10

საქართველოს ფინანსთა სამინისტროს საგამოძიებო სამსახურის თანამშრომლებმა, ოპერატიულ - სამძებრო და საგამოძიებო მოქმედებების შედეგად, საბაჟო საზღვარზე, განსაკუთრებით დიდი ოდენობით საქონლის გადაადგილებასთან დაკავშირებული წესი

თბილისის ზღვაზე ნაპოვნი მამაკაცის მკვლელობის საქმეზე ბექა კვიციანი დააკავეს

14 ნოემბერი, 2019 , 10:35

შინაგან საქმეთა სამინისტრო თბილისის ზღვაზე მომხდარი მკვლელობის საქმის გახსნასთან დაკავშირებით განცხადებას ავრცელებს. უწყების განმარტებით, გამოძიების ამ ეტაპზე დადგენილია, რომ ბრალდებულმა ბექა კვიციანმა თბილისის ზღვის შემ

შსს-მ სანდრო ბრეგაძის მიერ სახალხო დამცველის ოფისში განხორციელებულ ქმედებებთან დაკავშირებით გამოძიება დაიწყო

13 ნოემბერი, 2019 , 11:50

შინაგან საქმეთა სამინისტროს თბილისის პოლიციის დეპარტამენტის საგამოძიებო სამმართველომ, 12 ნოემბერს მოძრაობა „ქართული მარშის" ლიდერის - ალექსანდრე (სანდრო) ბრეგაძის მიერ სახალხო დამცველის ოფისში განხორციელებულ ქმედებ

თბილისის პროკურატურამ სამსახურებრივი უფლებამოსილების გადამეტების და განზრახ უკანონო დაკავების ფაქტზე კუდ-ის თანამშრომლები დააკავა

12 ნოემბერი, 2019 , 14:50

თბილისის პროკურატურამ სასამართლოს მიერ გაცემული განჩინების საფუძველზე სამსახურებრივი უფლებამოსილების გადამეტების და განზრახ უკანონო დაკავების ფაქტზე კონსტიტუციური უსაფრთხოების დეპარტამენტის თანამშრომლები დ.ქ. და ი.გ. ბრა

უკანონო სამეწარმეო საქმიანობის ფაქტზე ერთი პირი ამხილეს

12 ნოემბერი, 2019 , 11:10

საქართველოს ფინანსთა სამინისტროს საგამოძიებო სამსახურის თანამშრომლებმა, ოპერატიულ-სამძებრო და საგამოძიებო მოქმედებების შედეგად, უკანონო სამეწარმეო საქმიანობის ფაქტზე ერთი პირი ამხილეს. უწყების ინფორმაციით, გამოძიებამ დაა

დააკავეს დედა, რომელიც შვილებს მოწყალების შეგროვებას აიძულებდა

12 ნოემბერი, 2019 , 11:10

შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგისა და უკანონო მიგრაციის წინააღმდეგ ბრძოლის სამმართველოს თანამშრომლებმა თბილისში არა