უახლესი ამბები
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
რეგიონები
დიდი საკადრო წმენდა - პრემიერი ბახტაძე, სავარაუდოდ, გუბერნატორებს გაათავისუფლებს
პრემიერ მამუკა ბახტაძეს დიდი საკადრო წმენდა აქვს დაგეგმილი. სავარაუდოდ, ის თითქმის, ყველა გუბერნატორს დაემშვიდობება. თანამდებობაზე დანიშვნიდან დღემდე მამუკა ბახტაძე არც ერთ გუბერნატორს არ შეხვედრია, - ამის შესახებ ინფორმაციას ტელეკომპანია „რუსთავი2“ ავრცელებს.
„კურიერის“ ინფორმაციით, სამეგრელოს გუბერნატორის, ლევან შონიას წინააღმდეგ გამოძიება სახელწმიფო უსაფრთხოების სამსახურმა ოპოზიციის მოთხოვნით დაიწყო. „ნაციონალურ მოძრაობაში“ ამტკიცებენ, რომ სამეგრელოს გუბერნატორი დანიშვნიდან დღემდე კონტრაბანდას მფარველობს და მისი ხელშეწყობით ოკუპირებული აფხაზეთიდან სამეგრელოში უაქციზო სიგარეტი გადააქვთ.
გუბერნატორების თანამდებობიდან გადაყენების შესახებ ინფორმაციამ ხელისუფლების ოპონენტებთანაც გაჟონა. „ნაციონალური მოძრაობის“ წევრი გიორგი ბოტკოველი „რუსთავი2“ - თან საუბარში აცხადებს. რომ ინფრასტრუქტურული პროექტების უმეტესობა ან არ ხორცილდება, ან შუა გზაზეა მიტოვებული. კახეთის გუბერნატორი ბრალდებებს არ აღიარებს და არც პრემიერის გადაწყვეტილებაზე იცის რამე.
გურიის გუბერნატორი მერაბ ჭანუყვაძე კი, რომლის შესაძლო გადაყენების შესახებ ინფორმაცია ვრცელდება, დღეს სამსახურში საერთოდ არ გამოჩენილა. მედიის შეკითხვებს მხოლოდ მისმა მოადგილემ უპასუხა, რომლისთვისაც უცნობია, რა პრეტენზიები შეიძლება ჰქონდეს მერაბ ჭანუყვაძესთან პრემიერ ბახტაძეს.
„ნაციონალური მოძრაობისა“ და „ევროპულ საქართველოს“ წევრები ვარაუდობენ, რომ ყველა საკადრო გადაადგილება ბიძინა ივანიშვილთან შეთანხმდება. საპარლამენტო უმრავლესობაში კი ამბობენ, რომ გუბერნატორებს არ გადააყენებენ