უკან

ეკონომიკა

16 თებერვალი, 2017 16:30
font-size

დიმიტრი ხუნდაძე სადაზღვევო ინდუსტრიის წარმომადგენლების განცხადებას გამოეხმაურა

ჯანმრთელობის დაცვისა და სოციალურ საკითხთა კომიტეტის პირველმა მოადგილე დიმიტრი ხუნდაძე დღევანდელ ბრიფინგზე სადაზღვევო ინდუსტრიის წარმომადგენლების მიერ გაკეთებულ განცხადებას გამოეხმაურა.

სადაზღვევო ინდუსტრიის წარმომადგებლები მთავრობის იმ დადგენილების გაუქმებას ითხოვენ, რომლითაც კერძო სადაზღვევო კომპანიებში მონაწილე ბენეფიციარები საყოველთაო ჯანდაცვის პროგრამას ეთიშებიან.

„მინდა დავაფიქსირო, რომ სახელმწიფოს პირველ პრიორიტეტად ისევ რჩება მოსახლეობის ჯანმრთელობაზე ზრუნვა, გრძელდება საყოველთაო ჯანდაცვის პროგრამა. ჩვენ პირველ ეტაპზე მივაღწიეთ იმას, რომ ყველა ადამიანი არის დაზღვეული. ასევე მნიშვნელოვანია, რომ გადავიდეთ მეორე ეტაპზე და გავზარდოთ ხარისხობრივი მაჩვენებლები და ჯანდაცვის სერვისები მოსახლეობისთვის გავხადოთ უფრო ეფექტური“, - განაცხადა დიმიტრი ხუნდაძემ.

მან ჟურნალისტებს შეახსენა 2013 წელი, როცა ქვეყანაში საყოველთაო ჯანდაცვის პროგრამა ამოქმედდა. დეპუტატის თქმით, მაშინ ერთ-ერთი ინდიკატორი იყოს სწორედ ის, რომ მომხდარიყო გამიჯვნა და მოსახლეობის ის ნაწილი გაწევრიანებულიყო სახელმწიფოს მიერ შეთავაზებულ პროგრამაში, რომელიც არანაირ დაზღვევას არ იღებდა. „ამის შემდეგ გარდამავალ ეტაპზე, რომლის შემდეგაც უნდა მომხდარიყო კერძო სადაზღვევო კომპანიების მხრიდან ბაზათა ინფორმაციის უზრუნველყოფა, რაც საშუალებას მოგვცემდა, გაგვეკეთებინა სწორი და თანმიმდევრული ანალიზი. გარკვეული მიზეზების გამო ზოგიერთი ბენეფიციარი ეთიშებოდა კერძო სადაზღვევო კომპანიას, თუმცა ისინი სრულად ვერ გადმოდიოდნენ საყოველთაო ჯანდაცვის პროგრამაში და რჩებოდნენ საბაზისო პაკეტის მიღმა. შედეგად მივიღეთ ის, რომ დაახლოებით 115 000 ადამიანი, რომელმაც დაკარგა კერძო სადაზღვევო კომპანიების ბენეფიციარის სტატუსი, დარჩა ამ პაკეტის მიღმა“, - აღნიშნა დიმიტრი ხუნდაძემ.

მისი თქმით, ათეულათასობით ადამიანი აღმოჩნდა ორმაგი დაფინანსების პრინციპით მოსარგებლე, რაც მისივე მოსაზრებით, დისკრიმინაციული იყო და არათანაბარ პირობებში აყენებდა მოსახლეობის სხვადასხვა ჯგუფებს. დიმიტრი ხუნდაძის განმარტებით, მთავრობის დადგენილების მიზანი არის სწორედ ის, რომ აღმოიფხვრას დისკრიმინაცია, ბენეფიციარებს ჰქონდეთ სამედიცინო სერვისების მიღების თანაბარი უფლება საყოველთაო ჯანდაცვის პროგრამის ფარგლებში და არცერთი ადამიანი არ დარჩეს დაზღვევის გარეშე.

„ჩვენ ხელს შევუწყობთ, რომ კერძო სადაზღვევო კომპანიებმა ბაზარზე ფუნქციონირება გააგრძელონ ჯანსაღი კონკურენციის პირობებში, მაგრამ ჩვენი ძირითადი მიზანი არის ის, რომ საყოველთაო ჯანდაცვის პროგრამა იყოს ხელმისაწვდომი, ეფექტური და ხარჯთეფექტური. თხოვნა მექნება, რომ კერძო სადაზღვევო კომპანიები გაგებით მოეკიდონ ამ საკითხს და პერიოდულად უზრუნველყონ ბაზათა დადარების პრინციპის ხელშეწყობა, რათა სწორი ანალიზის საშუალება მოგვეცეს“, - აღნიშნა დიმიტრი ხუნდაძემ.

საკვანძო სიტყვები:

საჭიროა მინიმუმ 1.3-1.5 მილიარდი დოლარის პირდაპირი უცხოური ინვესტიცია, რაც მარტივი არ არის , თუმცა შესაძლებელია - ირაკლი კოვზანაძე

10 დეკემბერი, 2019 , 15:10

„ჩვენ გვჭირდება მინიმუმ 1.3-1.5 მილიარდი აშშ დოლარის პირდაპირი უცხოური ინვესტიცია, ეს მარტივი საქმე არ იქნება, თუმცა შესაძლებელია,“-ამის შესახებ პარლამენტის საფინანსო-საბიუჯეტო კომიტეტის თავმჯდომარე ირაკლი კო

აუქციონზე 70 000 000 ლარის ნომინალური ღირებულების ფასიანი ქაღალდები გაიყიდა

10 დეკემბერი, 2019 , 15:10

საქართველოს ეროვნული ბანკი ფინანსთა სამინისტროს სახაზინო ობლიგაციების აუქციონის შედეგებს აქვეყნებს. როგორც „მედიანიუსს“ ეროვნული ბანკიდან აცნობეს, დღეს, ფინანსთა სამინისტროს სახაზინო ობლიგაციების აუქციონზე 70

სახაზინო ვალდებულებების აუქციონზე 70 000 000 ლარის ნომინალური ღირებულების ფასიანი ქაღალდები გაიყიდა

10 დეკემბერი, 2019 , 15:00

ფინანსთა სამინისტროს სახაზინო ვალდებულებების აუქციონზე 70 000 000 ლარის ნომინალური ღირებულების 182-დღიანი ვადიანობის ფასიანი ქაღალდები გაიყიდა. ეროვნული ბანკის ინფორმაციით, აუქციონში მონაწილეობა მიიღო ხუთმა კომერციულმა ბ

თამბაქოს მაფია - ხელისუფლებამ თუთუნის ბაზარზე ვანო ჩხარტიშვილი მონოპოლისტი გახადა

9 დეკემბერი, 2019 , 16:35

21 ნოემბრიდან საქართველოში თუთუნის რეალიზაცია აქციზური მარკის გარეშე იკრძალება. ფინანსთა სამინისტრომ კი აქციზური მარკები თუთუნის იმპორტიორების ერთ ნაწილს მისცა. ამჯერად ხელისუფლებამ დახურვისთვის თამბაქოს იმპორტიორი ფირმე

პირდაპირი უცხოური ინვესტიციები 13.7 პროცენტით გაიზარდა

9 დეკემბერი, 2019 , 12:45

საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2019 წლის მესამე კვარტალში 417.3 მილიონი აშშ დოლარი შეადგინა, რაც 2018 წლის მესამე კვარტალის დაზუსტებულ მონაცემებზე

1 აშშ დოლარის ოფიციალური ღირებულება 2.9466 ლარი გახდა

6 დეკემბერი, 2019 , 17:20

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.9466 ლარი შეადგინა. კურსი, რომელიც დღეს მოქმედებდა, 2.9573 ლარი იყო. შესაბამისად, დოლარის ცვლილებამ ეროვნულ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`