უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
ეკონომიკა
დიმიტრი ქუმსიშვილი მსოფლიო ბანკის ვიცე-პრეზიდენტს შეხვდა
პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა მსოფლიო ბანკის ვიცე-პრეზიდენტ ჰარტვიგ შეიფერსა და ბანკის დელეგაციის წევრებთან აღნიშნულ საფინანსო ორგანიზაციასთან საქართველოს თანამშრომლობის ძირითადი მიმართულებები და ქვეყნის ეკონომიკური ტენდენციები განიხილა.
შეხვედრაზე მხარეებმა დადებითად შეაფასეს საქართველოსა და მსოფლიო ბანკის მრავალწლიანი და ნაყოფიერი თანამშრომლობა, რომელიც 25 წელს მოიცავს.
პირველმა ვიცე-პრემიერმა დიმიტრი ქუმსიშვილმა ვრცლად ისაუბრა საქართველოს ეკონომიკურ ტენდენციებზე, აგრეთვე მთავრობის 4-პუნქტიან გეგმაზე და მის ფარგლებში მიმდინარე რეფორმებზე. დიმიტრი ქუმსიშვილმა მაღალი შეფასება მისცა რეფორმების განხორციელების პროცესში მსოფლიო ბანკის მხარდაჭერას და აღნიშნული თანამშრომლობის გაღრმავების აუცილებლობაზე ისაუბრა.
მსოფლიო ბანკის ვიცე-პრეზიდენტმა ჰარტვიგ შეიფერმა დადებითად შეაფასა საქართველოს ეკონომიკური ვითარება და მიმდინარე რეფორმები. ასევე ყურადღება გამახვილდა საქართველოსა და მსოფლიო ბანკის მომდევნო სამოქმედო პროგრამაზე, რომლითაც განისაზღვრება თანამშრომლობა მომდევნო სამი წლის განმავლობაში.
შეხვედრას ასევე დაესწრნენ მსოფლიო ბანკის რეგიონული დირექტორი სამხრეთ კავკასიაში მერსი ტემბონი, რეგიონული განვითარებისა და ინფრასტრუქტურის მინისტრი ზურაბ ალავიძე, ეკონომიკისა და მდგრადი განვითარების მინისტრის მოადგილე ეკატერინე მიქაბაძე, ფინანსთა მინისტრის მოადგილე ნიკოლოზ გაგუა და შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ლაშა დარსალია.